Elimizdiń 8 óńirinde asa aýyr qylmysqa qatysy bar 23 adam ustaldy

<p>ASTANA. KAZINFORM &ndash; Ulttyq qaýpsizdik komıteti ІІM-men birlese jáne Bas prokýratýranyń úılestirýimen júzege asyrǵan operatsııa sheńberinde Aqtóbe, Atyraý, Shyǵys Qazaqstan, Jambyl, Batys Qazaqstan, Túrkistan, Jetisý oblystary jáne Shymkent qalasynda 8 topty beıtaraptandyrdy.</p>

Olardyń ortasynda destrýktıvti dinı aǵym jaqtastary bar 23 adam ustaldy. 17 adam ýaqytsha ustaý ızolıatoryna qamaldy, al 6 qatysty kelý týraly mindetteme qoldanyldy. 

Foto: UQK

Olar aýyr jáne asa aýyr qylmystarǵa, sonyń ishinde terrorızmdi nasıhattaý, adamdardy urlaý, qorqytyp alý, sondaı-aq esirtki zattary men atý qarýynyń zańsyz aınalymyna qatysy bar degen kúdikke ilindi.

Olar quqyqqa qarsy áreketin birqatar jaǵdaıda teris burmalanǵan dinı qaǵıdalarmen aqtap júrgen. 49 tintý barysynda atý qarýy, oq-dáriler, dinı ádebıetter, aqshalaı qarajat jáne esirtkiler alyndy. 

Foto: UQK

Operatsııany ótkizýge respýblıkanyń 8 óńirinde bir mezgilde 250 kúshtik qurylym qyzmetkerleri jumyldyryldy. Qazir tergep-tekserý is-sharalary jalǵasyp jatyr.

Qylmystyq-protsestik kodekstiń 201-baby 1-bóligine sáıkes ózge aqparat jarııa etýge jatpaıdy.

Foto: UQK