Elimizdiń 8 oblysynda 46 jol ýchaskesi jabyldy

<p>Aýa raıyna baılanysty elimizdiń 8 aımaǵynda respýblıkalyq mańyzy bar joldar jabyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

"26 jeltoqsan kúni saǵat 17.00-degi jaǵdaı boıynsha 8 oblysta respýblıkalyq mańyzy bar avtojoldardyń 46 ýchaskesinde kólik qozǵalysyna shekteý engizildi.

Shekteý avtokóliktiń barlyq túrine qoldanylady (boran, shekteýli kórinis)", - dep málimdedi QazAvtoJol kompanııasynan.

Qazirgi ýaqytta respýblıkalyq mańyzy bar avtojoldarda 477 birlik tehnıka jumys isteýde.