Elimizdiń 7 óńirindegi ózenderde sý deńgeıiniń kóterilgeni baıqalady

<p>ASTANA. KAZINFORM &ndash; Elimizdiń 7 óńirindegi ózenderdi sý deńgeıiniń kóterilýi baıqalady. Bul týraly Úkimet otyrysynda Ekologııa jáne tabıǵı resýrstar mınıstri Erlan Nysanbaev aıtty.</p>

«Búgingi tańda Qazaqstannyń qar basqan aýmaǵy 27 paıyz. Qazaqstannyń jazyq aýmaǵyndaǵy ózenderdiń barlyq basseınderindegi ylǵal qorynyń kólemi azaıdy. Eń úlken sý tasqyndary Aqtóbe, Batys Qazaqstan oblystarynyń jáne Qostanaı oblysynyń ońtústik bólikteriniń ózenderinen ótýde. Biraq sý tasqyny qaýpi áli kúnge deıin saqtalady. Shyǵys Qazaqstan, Abaı, Qaraǵandy, Ulytaý, Aqmola, Soltústik Qazaqstan oblystary jáne Qostanaı oblysynyń soltústik jartysyndaǵy ózenderde sý deńgeıiniń kóterilýi ári qaýipti belgilerden asýy baıqalady», - dedi ol.

Sonymen qatar mınıstr Astana sý qoımasyna deıingi Esil ózeniniń basseın bóligine jeke toqtaldy.

«Búgingi tańda ylǵal qorynyń qaldyqtary 53 mln tekshe metr. Qar jamylǵysy Esil ózeniniń joǵarǵy basseıniniń shaǵyn aýdandarynda baıqalady. Budan jerústi aǵyny aıtarlyqtaı óspeıdi. Astana sý qoımasyna aǵyn 31 naýryz ben 5 sáýir aralyǵynda 90 jáne 150 mln tekshe metr aralyǵynda bolady boljandy», - dedi Erlan Nysanbaev.