Elimizdiń 5 oblysyndaǵy respýblıkalyq 11 jolda kólik qozǵalysy shekteldi

<p>ASTANA. KAZINFORM &ndash; QazAvtoJol respýblıkalyq mańyzy bar joldardaǵy sý tasqyny jaǵdaıy týraly aqparatty taratty.</p>

15 sáýir saǵat 09:00–degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda kúnniń jylynýy men qardyń erýine baılanysty 3 oblysta jalpy uzyndyǵy 5280 metr 9 ýchaskede erigen sýdyń jol jıeginen shyǵyp ketý oqıǵalary tirkelgen. (Aqmola, Qostanaı, Soltústik Qazaqstan oblysy).

«Elimizdiń 5 oblysynda (Aqtóbe, Aqmola, Atyraý, Qostanaı, Soltústik Qazaqstan oblysy) uzyndyǵy 421 shaqyrymdy quraıtyn respýblıkalyq mańyzy bar 11 jolda kólik qozǵalysy shekteldi», — delingen málimette.

Qazirgi ýaqytta respýblıkalyq joldarda 417 birlik tehnıka men 523 adam jumys istep jatyr.