Elimizdiń 5 oblysyndaǵy ózenderde sý deńgeıi kóterilýi múmkin - Qazgıdromet

<p>ASTANA. KAZINFORM &ndash; &laquo;Qazgıdromet&raquo; RMK-sy elimizdiń óńirlerinde aýa raıyna baılanysty eskertý jasady.</p>

Kásiporynnyń boljamyna qaraǵanda, búgin 9-shy shildede Astanada túnde jáne tańerteń tuman túsedi.

9 shildede kúndiz Aqtóbe oblysynyń soltústiginde, ortalyǵynda naızaǵaı oınaıdy. Soltústik-batystan soqqan jel ońtústik-shyǵysqa aýysady, kúndiz oblystyń soltústiginde, ortalyǵynda ekpini 15-20 m/s bolady. Kúndiz oblystyń ońtústiginde 35 gradýs ystyq saqtalady.

Aqtóbede 9 shildede kúndiz naızaǵaı oınaıdy.

9 shildede Mańǵystaý oblysynyń batysynda, soltústiginde, shyǵysynda naızaǵaı oınaıdy. Kúndiz oblystyń basym bóliginde 38-42 gradýs ystyq bolady.

Aqtaýda 9 shildede 40 gradýs ystyq saqtalady.

Abaı oblysynyń batysynda, soltústiginde, ońtústiginde qatty jańbyr, kúndiz burshaq jaýady, daýyl turýy yqtımal. Naızaǵaı oınap, ońtústik-batystan soǵatyn jel soltústik-batysqa aýysady, oblystyń soltústiginde, ońtústiginde, ortalyǵynda 15-20, kúndiz ekpini 23 m/s.

Semeıde 9 shildede naızaǵaı oınap, kúndiz burshaq jaýady. Ońtústik-batystan soǵatyn jel soltústik-batysqa aýysady, kúndiz ekpini 15-20 m/s.

9 shildede Shyǵys Qazaqstan oblysynyń batysynda, soltústiginde, shyǵysynda qatty jańbyr, kúndiz burshaq jaýady, daýyl turýy yqtımal. Sondaı-aq naızaǵaı oınap, ońtústik-shyǵystan soǵatyn jel soltústik-batysqa aýysady, oblystyń batysynda, soltústiginde, shyǵysynda 15-20, kúndiz ekpini 23 m/s.

Óskemende 9 shildede naızaǵaı oınap, kúndiz burshaq jaýady. Ońtústik-shyǵystan soǵatyn jel soltústik-batysqa aýysady, kúndiz ekpini 15-20 m/s.

Aqmola oblysynyń soltústiginde, shyǵysynda naızaǵaı oınaıdy. Túnde jáne tańerteń oblystyń soltústiginde, shyǵysynda tuman túsedi.

9 shildede kúndiz Atyraý oblysynyń ońtústiginde, shyǵysynda naızaǵaı oınaıdy. Soltústik-shyǵystan jel soǵady, oblystyń soltústiginde ekpini 15-20 m/s. Kúndiz oblys boıynsha 35-37 gradýs ystyq saqtalady.

Atyraýda 9 shilde kúnniń sońynda naızaǵaı oınaıdy. Kúndiz 35-37 gradýs ystyq bolady.

9 shildede Túrkistan oblysynyń taýlarynda naızaǵaı oınaıdy. Soltústik-shyǵystan jel soǵady, taýlarda ekpini 15-20 m/s.

9 shildede túnde Qaraǵandy oblysynyń shyǵysynda, ortalyǵynda, soltústiginde, kúndiz oblystyń shyǵysynda, ońtústiginde naızaǵaı oınaıdy. Túnde jáne tańerteń oblystyń shyǵysynda, ońtústiginde tuman túsedi. Soltústikten, soltústik-shyǵystan jel soǵady, kúndiz oblystyń shyǵysynda, ońtústiginde, ortalyǵynda ekpini 15-20 m/s. Oblystyń soltústiginde joǵary órt qaýpi kútiledi.

Qaraǵandyda 9 shildede túnde naızaǵaı oınaıdy.

9-10 shildede Jambyl oblysynda taýda qatty jańbyr jaýady. 9 shildede oblystyń ońtústiginde, taýly aýdandarynda, 10 shildede oblystyń soltústiginde, ońtústiginde, taýly aýdandarynda naızaǵaı oınap, burshaq jaýady, daýyl turady. 09-10 shildede ońtústik-batystan soǵatyn jel soltústik-shyǵys jeline aýysady, oblystyń ońtústik-batysynda, soltústik-shyǵysynda, taýly aýdandarda 15-20 m/s kútiledi.

Tarazda 10 shildede kúndiz naızaǵaı oınap, burshaq jaýady, daýyl turady. 10 shildede soltústik-shyǵystan jel soǵady, kúndiz ekpini 15-20 m/s.

9 shildede túnde Ulytaý oblysynyń shyǵysynda naızaǵaı oınaıdy.

9 shilde kúndiz Batys Qazaqstan oblysynyń soltústiginde, shyǵysynda naızaǵaı oınaıdy. Jel soltústikten, soltústik-batystan soǵady, kúndiz oblystyń shyǵysynda ekpini 15-20 m/s. Kúndiz oblystyń ońtústiginde 35 gradýs ystyq bolady. Oblystyń ońtústiginde, ońtústik-shyǵysynda, soltústiginde joǵary órt qaýipi saqtalady.

Oralda 9 shildede joǵary órt qaýpi saqtalady.

9 shildede Jetisý oblysynyń taýly aýdandarynda qatty jańbyr jaýyp, oblystyń shyǵysynda, ortalyǵynda, taýly aýdandarynda naızaǵaı oınaıdy, burshaq jaýýy yqtımal. Ońtústik-batystan jel soǵady, oblystyń shyǵysynda, taýly aýdandarynda ekpini 15-20, Alakól kólderi aýdanynda 23-28 m/s.

Taldyqorǵanda 9 shildede naızaǵaı oınaıdy. Ońtústik-batystan jel soǵady, naızaǵaı kezinde ekpini 15-20 m/s.

9 shildede tańerteń jáne kúndiz Qostanaı oblysynyń ońtústiginde, shyǵysynda naızaǵaı oınaıdy. Soltústik-shyǵystan, soltústikten jel soǵady, kúndiz oblystyń ońtústiginde, shyǵysynda ekpini 15-20 m/s.

8-10 shilde aralyǵynda Abaı, Shyǵys Qazaqstan, Túrkistan jáne Jambyl oblystarynda taýly jáne taý etegindegi aımaqtarda qatty jaýyn-shashyn boljamyna baılanysty betkeılik aǵynnyń qalyptasýy jáne ózenderde sý deńgeıiniń kóterilýi yqtımal, sonymen qatar sýdyń jaıylýy men sý basýy múmkin.

Eskertý: sý deńgeıi qaýipti deńgeıden asyp ketken jaǵdaıda, ózenderdiń jaıylma aýmaqtarynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi saqtalady.

8-10 shilde aralyǵynda qatty jańbyr jýýy yqtımaldyǵyna baılanysty Almaty oblysynyń taýly jáne taý etegindegi aımaqtary men Almaty mańyndaǵy taýly aımaqtarda betkeılik aǵynnyń qalyptasýy jáne ózenderde sý deńgeıleriniń kóterilýi kútiledi, sonymen qatar sýdyń jaıylýy men sý basýy múmkin.
Eskertý: qaýipti deńgeıden asyp ketken jaǵdaıda, ózenderdiń jaıylma aýmaqtarynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi saqtalady.

9 shilde Pavlodar oblysynyń ońtústiginde, shyǵysynda naızaǵaı oınap, túnde qatty jańbyr jaýady. Túnde oblystyń soltústiginde tuman túsedi. Soltústikten jel soǵady, kúshi oblystyń ońtústiginde, shyǵysynda 15-20 m/s.

9 shildede Almaty oblysynyń taýly aýdandarynda keı ýaqytta qatty jańbyr kútiledi. Oblystyń soltústiginde, ońtústiginde, taýly aýdandarynda naızaǵaı oınap, burshaq jaýady. Ońtústik-batystyn jel soǵady, oblystyń soltústiginde, ońtústiginde, taýly aýdandarynda ekpini 18-23 m/s.

Almatyda 9 shildede keı ýaqytta naızaǵaı oınaıdy. Ońtústik-batystan jel soǵady, naızaǵaı kezinde ekpini 18 m/s.

Qonaevta 9 shildede keı ýaqytta naızaǵaı oınaıdy. Ońtústik-batystan jel soǵady, keı ýaqytta ekpini 18-23 m/s.