Elimizdiń 4 óńirinde sý tasý qaýpi bar: Qazgıdromet eskertý jasady
14:41, 24 Naýryz 2024
<p>ASTANA. KAZINFORM – Sınoptıkter elimizdiń tórt oblysynyń turǵyndaryna sý tasqyny qaýpi týraly eskertti.</p>
«Qazgıdromet» RMK málimetinshe, 24-26 naýryz kúnderi kún jylynyp, Atyraý oblysynda qar qarqyndy erı bastaıdy. Osyǵan qaraı Qyzylqoǵa, Jylyoı aýdandaryndaǵy shaǵyn ózenderde sý deńgeıi kóterilýi múmkin, jaýyn-shashyn bolýy yqtımal.
Sondaı-aq 25-28 naýryzda aýa temperatýrasynyń odan ári kóterilýine baılanysty Batys Qazaqstan oblysynda qar erip, ózenderdegi sý deńgeıi kóterilip, sý tasqyny bolýy múmkin. 26 naýryzda BQO-nyń keı jerlerinde jańbyr jaýady.
24-29 naýryz aralyǵynda Qaraǵandy oblysy men Ulytaý oblysynda qar qarqyndy erip, ońtústik ózenderinde sý deńgeıi kóterilýi múmkin, saldarynan avtojoldar, eldi mekender men sharýashylyq qurylystaryn sý basý qaýpi joǵary.