Elimizdiń 2 óńirinde lıtıı izdestirý jumystary júrgizilip jatyr

<p>ASTANA. KAZINFORM &ndash; Bıyl shamamen 1 mln sharshy shaqyrym aýmaqta paıdaly qatty qazbalardy barlaý alańdary ashyldy. Bul týraly Úkimet otyrysynda Premer-Mınıstr Oljas Bektenov aıtty.</p>

- Memleket basshysy 2026 jylǵa deıin geologııalyq barlaý kólemin qazirgi 1,5 mıllıonnan 2 mln 200 myń sharshy shaqyrymǵa deıin ulǵaıtý mindetin qoıdy. Qazirdiń ózinde jer qoınaýynyń zerttelgen aýmaǵy 2 mln sharshy shaqyrymǵa jetkizildi. Basqa elderdiń geologııalyq qyzmetterimen halyqaralyq baılanystar aıasynda Qazaqstannyń shyǵys óńirinde jańa ken oryndaryn birlesip izdestirý jumystary júrgizilip jatyr, - dedi Úkimet basshysy.

Onyń atap ótýinshe, alynǵan aqparat Jer qoınaýyn paıdalanýdyń biryńǵaı platformasyna júkteledi. Bul platforma lıtsenzııalardy avtomatty túrde berýge jáne jer qoınaýyn paıdalanýshy kompanııalardyń mindettemeleriniń oryndalýyna monıtorıng júrgizýge múmkindik beredi.

- Kómirsýtek shıkizaty salasynda Jaqsartylǵan modeldik kelisimshart tetigi engizildi. Ol básekege qabilettilikti arttyrýǵa jáne kúrdeli ken oryndaryna ınvestıtsııalar tartý úshin jaǵdaı jasaýǵa baǵyttalǵan. Búgingi tańda jerde sırek kezdesetin metaldarǵa suranys joǵary bolyp otyr. Bul oraıda 12 ýchaskede memleket qarjysy esebinen júrgizilip jatqan izdestirý jumystary aıaqtalýǵa jaqyn. Ásirese lıtııge degen suranys erekshe. Ony izdestirý jumystary Baıankól óńiriniń, Aral-Kaspıı aýmaǵynyń mańynda júrgizilip jatyr. Sonymen qatar bıyl shamamen 1 mln sharshy shaqyrym aýmaqta paıdaly qatty qazbalardy barlaý alańdary ashyldy. Bul Riotinto, Fortescue, Arras Minerals sııaqty jáne basqa da iri halyqaralyq kompanııalardy tartýǵa múmkindik berdi, - dedi Oljas Bektenov.