Elimizdiń 14 óńirinde aýa raıyna baılanysty eskertý jarııalandy

<p>Sınoptıkter respýblıkanyń 14 aımaǵynda aýa raıyna baılanysty eskertý jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Qazgıdromet» RMK málimetinshe, Almatyda 21 qarashada túnde jáne tańerteń tuman túsedi.

Aqmola oblysynyń soltústiginde tuman bolady. Ońtústik-shyǵystan jel soǵyp, kúndiz oblystyń batysynda ekpini 15-20, keı kezde 23 m/s deıin kúsheıedi.

Aqtóbe oblysynyń soltústik-batysynda túnde kóktaıǵaq bolady. Oblystyń kóp bóliginde ońtústik-shyǵystan soǵatyn jel ekpini sekýndyna 15-20 m/s, Muǵaljar aýdanynda 23-28 m/s deıin jetedi.

Almaty oblysynyń ońtústiginde, taýly aýdandarynda keı kezderi tuman túsedi. Shyǵystan jel soǵyp, oblystyń soltústiginde ekpini 15-20 m/s deıin kúsheıedi.

Atyraý oblysynyń basym bóliginde soltústik-batystan 15-20 m/s jyldamdyqpen jel soǵady, jel 23-28 m/s deıin kúsheıedi, al oblystyń batysynda, ońtústiginde, soltústiginde keı kezderi 30 m/s jáne odan asatyn jyldamdyqpen soǵady.

Batys Qazaqstan oblysynyń soltústiginde, batysynda túnde tuman túsip, kóktaıǵaq bolady. Ońtústik-shyǵystan soǵatyn jel baǵytyn soltústik-batysqa aýysady. Túnde oblystyń soltústiginde, shyǵysynda, al kúndiz batysynda jel ekpini – 15-20 m/s.

Qaraǵandy oblysynyń soltústiginde, shyǵysynda túnde jáne tańertń tuman túsedi. Shyǵystan, ońtústik-shyǵystan jel soǵyp, kúndiz oblystyń ońtústiginde ekpini 15-20 m/s bolady.

Qostanaı oblysynyń soltústiginde, shyǵysynda tuman túsedi. Ońtústik-shyǵystan jel soǵyp, kúndiz oblystyń batysynda, ońtústiginde ekpini 15-20 m/s deıin jetedi.

Qyzylorda oblysynda shyǵystan, ońtústik-shyǵystan jel soǵyp, túnde oblystyń ortalyǵynda, batysynda ekpini 15-20 m/s, kúndiz – 15-20 m/s, ortalyqta – 23 m/s deıin kúsheıe túsedi.

Mańǵystaý oblysynda ońtústik-shyǵystan soǵatyn jel baǵytyn soltústik-batysqa aýystyrady, túnde oblystyń batysynda jel 15-20 m/s, kúndiz basym bóliginde – 15-20 m/s, al batys, ońtústik, ortalyq bóliginde – 23-28 m/s jyldamdyqpen soǵady.

Pavlodar oblysynyń ońtústigi men shyǵysynda túnde tuman bolady.

Soltústik Qazaqstan oblysynyń ońtústik bóliginde tuman túsedi. Ońtústik-shyǵystan jel soǵyp, túnde oblystyń ońtústik-batys bóliginde ekpini 15-20 ms/, kúndiz basym bóliginde 15-20, keı kezderi 23 m/s deıin jetedi.

Túrkistan oblysynyń soltústiginde, batysynda ońtústik-shyǵystan, ońtústikten 15-20 m/s jyldamdyqpen jel soǵady.

Ulytaý oblysynyń soltústiginde, shyǵysynda túnde jáne tańerteń tuman túsedi. Shyǵystan, ońtústik-shyǵystan jel soǵyp, oblystyń soltústiginde, shyǵysynda, ońtústiginde ekpini 15-20 m/s, kúndiz 23 m/s deıin jetedi.