Elimizdiń 12 oblysynda aýa raıyna baılanysty eskertý jarııalandy

<p>ASTANA. KAZINFORM &ndash; 21 qyrkúıek kúnge Qazaqstannyń 12 oblysynda aýa raıyna baılanysty eskertý jarııalandy.&nbsp;</p>

21 qyrkúıekte Atyraý oblysynyń, Qaraǵandy oblysynyń, Ulytaý oblysynyń basym bóliginde joǵary órt qaýpi saqtalady. 

Aqmola oblysynyń soltústiginde túnde jáne tańerteń tuman túsedi. Kúndiz oblystyń batysynda ońtústik-batystan soǵatyn jeldiń ekpini 15-20 m/s jetedi.

Aqtóbe oblysynyń soltústiginde túnde 1 gradýs sýyq bolady. 

Batys Qazaqstan oblysynda oblystyń soltústiginde jáne soltústik-shyǵysynda joǵary órt qaýpi saqtalady. Oralda 21 qyrkúıekte órt qaýpi joǵary bolady.

Túrkistan oblysynda, oblystyń taýly asýlarynda soltústik-shyǵystan jel soǵady, jyldamdyǵy – 15-20 m/s. Aımaqtyń basym bóliginde tótenshe (5 klass) órt qaýpi saqtalady. Shymkent pen Túrkistan qalalarynda 21 qyrkúıekte tótenshe (5 klass) órt qaýpi joǵary bolady. 

Mańǵystaý oblysynda, Shyǵys Qazaqstan oblysyn joǵary órt qaýpi saqtalady. 

Kúndiz Soltústik Qazaqstan oblysynyń batysynda jáne soltústiginde naızaǵaı oınaıdy. Túnde jáne tańerteń oblystyń batysynda tuman túsedi. Kúndiz oblystyń batysy men soltústiginde ońtústik-batystan soǵatyn jeldiń ekpini – 15-20 m/s. Petropavlda 21 qyrkúıekte kúndiz naızaǵaı oınaıdy. Kúndiz ońtústik-batystan soǵatyn jeldiń ekpini – 15-20 m/s. 

Qyzylorda oblysynyń basym bóliginde joǵary órt qaýpi saqtalady, oblystyń soltústik-shyǵysynda jáne soltústik-batysynda joǵary órt qaýpi saqtalady. 

21 qyrkúıekte Qostanaı oblysynyń soltústigi men batysynda túnde jáne tańerteń tuman kútiledi.