Elimizdiń 10 oblysynda kún raıyna baılanysty eskertý jarııalandy

<p>ASTANA. KAZINFORM - Sınoptıkter respýblıkanyń 10 oblysynda aýa raıyna baılanysty eskertý jarııalady.&nbsp;</p>

«Qazgıdromet» RMK-nyń habarlaýynsha, 16 qańtarda Almatyda keı jerlerde tuman túsip, kóktaıǵaq bolady.

Shymkentte tuman túsedi.

Almaty oblysynyń ońtústiginde, taýly aımaqtarynda keı jerlerde tuman túsip, kóktaıǵaq bolady.

Jambyl oblysynyń soltústik-shyǵysynda, taýly aımaqtarynda jaıaý burqasyn bolyp, soltústik-shyǵystan jel soǵady, oblystyń ońtústik-batysynda, soltústik-shyǵysynda, taýly aımaqtarynda jeldiń jyldamdyǵy 15-20 m/s, ekpini 23 m/s deıin jetedi.

Jetisý oblysynyń ortalyǵynda, taýly aımaqtarda tuman túsip, kóktaıǵaq bolýy yqtımal. Alakól kóli aýmaǵynda túnde soltústik-shyǵystan jel turyp, ekpini 15-20 m/s deıin jetedi.

Batys Qazaqstan oblysynyń batysy men soltústiginde jaıaý burqasyn bolady. Ońtústikten jel soǵyp, kúndiz oblystyń batysy men soltústiginde ekpini 15-20 m/s deıin jetedi.

Qaraǵandy oblysynyń ońtústiginde túnde jáne tańerteń tuman túsedi.

Qyzylorda oblysynyń ońtústigi men shyǵysynda - tuman.

Soltústik Qazaqstan oblysynyń batysynda kúndiz ońtústik-batystan jel soǵyp, ekpini 15-20 m/s deıin jetedi.

Túrkistan oblysynyń taýly aımaqtarynda qalyń qar jaýady. Oblystyń soltústiginde, taýly aımaqtarynda burqasyn bolady. Al batysynda, soltústiginde, taýly jáne taý bókterindegi aýdandarynda tuman túsedi. Shyǵystan jel soǵyp, soltústikte, taýly aımaqtarda ekpini 15-20 m/s deıin jetedi.