Elimizden qara metall synyqtaryn temirjolmen áketýge tyıym salynady

<p>ASTANA. KAZINFORM&nbsp;&mdash; Elimizden qara metall synyqtaryn temir jol kóligimen áketýge ýaqytsha tyıym salynbaq. Bul jaıynda Ónerkásip jáne qurylys mınıstrliginen habarlandy.&nbsp;</p>

Tıisti normatıvtik qujattyń jobasy kópshilikke usynyldy.

Álemdik tájirıbede shıkizat túrinde qaıtalama metaldardy qoldaný — ekologııalyq tazalyq pen ony óńdeý kezinde energııa shyǵynynyń mınımaldy bolýyna baılanysty strategııalyq mańyzdy baǵyt sanalady.

Elimizde qara jáne tústi metall synyqtary men qaldyqtary — 11 otandyq metallýrgııalyq kásiporyn úshin shıkizattyń jalǵyz jáne strategııalyq túri.

Buıryq jobasynda ishki naryqty qamtamasyz etý maqsatynda Qazaqstan aýmaǵynan qara metall synyqtaryn kóliktiń temirjol túrimen áketýge ýaqytsha tyıym salý kózdeledi.

QR Ulttyq ekonomıka mınıstriniń 2014 jylǵy 29 jeltoqsandaǵy № 180 «Eleýli mańyzdy taýarlardyń tizbesin bekitý týraly» buıryǵymen ishki naryqta defıtsıttiń aldyn alý úshin ortalyq memlekettik organdar óz quzyreti sheginde birqatar mańyzdy azyq-túlik nemese ózge de taýarlardy elden shyǵarýǵa tyıym sala jáne sandyq shekteý engize alady. 

Qara metall qaldyqtary men synyqtary osy tizimge kiredi. 

Otandyq metallýrgııa kásiporyndarynyń qaıtalama shıkizatpen tolyqqandy qamtamasyz etilýi el ishinde synyq daıyndaý kásiporyndary jınaıtyn synyqtardyń búkil kólemin qaıta óńdeýge múmkindik beredi.