Elimizdegi jınaqtalǵan ettiń qory qansha
«Ulttyq statıstıka bıýrosynyń málimetine qaraǵanda, jyl basynan 353 myń tonna et óndirildi. Onyń ishinde sıyr eti – 139,1 myń tonnaǵa, qoı eti – 37,5 myń tonnaǵa, jylqy eti – 40 myń tonnaǵa, qus eti 119 myń tonnaǵa jetti. Bul kórsetkish byltyrǵy sáıkes kezeńmen salystyrǵanda 1 paıyzǵa artyq», - delingen mınıstrliktiń Kazinform agenttigine bergen jaýabynda.
Ákimdikterdiń málimeti boıynsha turaqtandyrý qorlaryndaǵy et ónimderiniń qory (10 mamyrdaǵy jaǵdaı boıynsha) 288,2 tonnany, saýda obektilerinde (aınalym shemasy aıasynda) 4,4 myń tonnany, kásiporyndarda 312 myń tonnany qurady. Sonymen qatar, mınıstrlik bul kórsetkish belgili bir ýaqyt kezeńindegi rezervter ekenin, et kólemi kúndelikti satylyp, tolyqtyrylyp otyratynyn málim etti.
«Budan bólek, taýarlarǵa arnalǵan shıkizat qory, sondaı-aq et-sút ónimderin óndirýge qajet mal basy da jetkilikti. Azyq-túlik óndirisi toqtamaıdy, sondyqtan qor únemi tolyqtyrylyp otyrady. Mınıstrlik óńirlerdegi áleýmettik mańyzy bar azyq-túlik taýarlarynyń qoryna turaqty monıtorıng júrgizedi», - dep atalyp ótken vedomstvo aqparatynda.