Elimizdegi meıramhananyń kóbi eki megapolıs pen Túrkistan oblysynda
13:53, 11 Shilde 2024
<p>ASTANA. KAZINFORM — Qazaqstanda qoǵamdyq tamaqtaný oryndarynyń sany ósti. Byltyr 15 826 oryn tirkelgen, bul 2022 jylmen salystyrǵanda 4,5% artyq (15 146). Bul jaıynda ulttyq statbıýrodan habarlandy. </p>
Ótken jyly meıramhana sany erekshe ósti. 2023 jyly olardyń sany 2 303 bolsa, 2022 jyly 2106 bolǵan.
Ashana sany da 4 752-den 5 383-ke deıin ósken.
Meıramhanalar men ashanalar sanynyń ósýi aıasynda kafeler sany keri dınamıkany kórsetti, 2022 jylǵy 5 016-dan 2023 jyly 4 479-ǵa deıin qysqarǵan.
Óńirler bólinisinde meıramhanalardyń eń kóbi Astana (400), Almaty (351) qalalary men Túrkistan oblysynda (213).
Kafeler — Almaty (508), Astana (385) qalalarynda jáne Qaraǵandy oblysynda (464) kóp.
2023 jyly qoǵamdyq tamaqtaný salasynda kórsetilgen qyzmetter kólemi 1,1 trln teńgeni qurady, bul 2022 jylmen salystyrǵanda 11,9% artyq.