Elimizdegi koreılik mıkroqarjy uıymy bankke aınalmaq

<p>ASTANA. KAZINFORM &ndash; Elimizdegi koreılik BNK Finance Kazakhstan mıkroqarjy uıymyn bankke aınaldyrýdy qoldaımyn. Bul týraly Aqordada Ońtústik Koreıa Prezıdenti ıÝn Sok Elmen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.</p>

«Búgin banktik qadaǵalaý salasyndaǵy ózara túsinistik týraly memorandýmǵa qol qoıyldy. Jańa qujat arqyly ınvestıtsııalar qaýipsizdigin baqylaýdyń tártibi rettelmek. Elimizde koreılik BNK Finance Kazakhstan mıkroqarjy uıymy bar. Men ony ekinshi deńgeıdegi bankke aınaldyrý týraly sheshimdi qoldaımyn», — dedi Memleket basshysy.

Prezıdent eki el arasyndaǵy ǵylym jáne bilim salasyndaǵy yntymaqtastyq ta udaıy nyǵaıtylyp kele jatqanyn aıtty.

«Qazirgi tańda Koreıanyń joǵary oqý oryndarynda myńnan astam qazaq jastary bilim alyp jatyr. Ózderińizge málim, Qazaqstan tehnıkalyq mamandar daıarlaý máselesine erekshe kóńil bóledi. Buǵan koreıalyq áriptesterimiz qoldaý kórsetip otyr. Elderimiz ǵylym jáne tehnologııa salasyndaǵy yntymaqtastyqty damyta túsýge kelisti. Osyǵan oraı Túrkistanda Koreıanyń Woosong ýnıversıtetiniń fılıaly ashý máselesi pysyqtalady», — dedi Qasym-Jomart Toqaev.

Prezıdent mádenı-gýmanıtarlyq baılanysty kúsheıtýge de basa nazar aýdarylǵanyn aıtty.

«Qazaqstanda turyp jatqan koreı dıasporasynyń óz tilin saqtap, damytýyna qoldaý kórsetiledi. Osy maqsatpen eki el aýmaǵynda turaqty túrde mádenı sharalar ótkizýge ýaǵdalastyq. Qazirgi tańda Qazaqstan azamattary Koreıaǵa 30 kúnge deıin vızasyz bara alady. Taıaý arada Astana-Seýl baǵytynda tikeleı reıs ashylady. Áýe reısteriniń ulǵaıýy eki el arasyndaǵy baılanysty nyǵaıta túsetindigi sózsiz», — dedi Memleket basshysy.