Elimizdegi bazarlar zaman talabyna saı ózgertiledi

<p>Myńnan astam tıimsiz deldal anyqtaldy. Bul týraly Parlament Májilisinde saýda saıasatyn damytýǵa arnalǵan Úkimet saǵatynda Saýda jáne ıntegratsııa mınıstri Arman Shaqqalıev aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

«Qazir saýda bazarlary áli de mańyzdy. Alaıda keıbiri qala qurylysy, órt jáne sanıtarlyq standarttarǵa sáıkes kelmeıdi. Sondyqtan bıznespen birge bazarlardy jańartýdy qajet etetin obektiler anyqtaldy. 460 ýnıversaldy bazardyń 195-in zaman talabyna saı ózgertý qajet bolǵan, olardyń 121-i jańartyldy. Qalǵan 74-i boıynsha ákimdiktermen jáne bazarlardyń menshik ıelerimen birlesip 2025 jylǵa deıingi jol kartasy bekitildi. Ózderińizge málim, jańartýdy aıaqtaýdyń ártúrli merzimi belgilendi, ıaǵnı oblystar úshin – 2025 jyl, al Astana men respýblıkalyq mańyzy bar qalalar úshin (Almaty jáne Shymkent.) – 2023 jyl», - dedi A. Shaqqalıev.

Sonymen qatar ol áleýmettik mańyzy bar azyq-túlik taýarlaryna baǵanyń ósýine jol bermeý jónindegi jumysqa erekshe nazar aýdarylatynyn aıtty. Jumys Aýyl sharýashylyǵy mınıstrligi, monopolııaǵa qarsy organ, ákimdikter, Azyq-túlik korporatsııasy jáne turaqtandyrý qorlarymen birlesip keshendi sıpatta atqarylyp jatyr. Jalpy, bul jumys, Prezıdenttiń ınflıatsııa deńgeıin 2 ese tómendetý jónindegi tapsyrmasyn oryndaýǵa baǵyttalǵan.

«Óńirlik komıssııalardyń jumysy baqylaý-fıskaldyq organdaryn qosý jolymen kúsheıtildi. Bıyl 1,7 myńnan astam otyrys ótkizildi, myńnan astam tıimsiz deldal anyqtaldy, myńnan astam ákimshilik is qozǵaldy (2023 j. – 1 059 ákimshilik is, 2022 j. – 310 ákimshilik is). Elektrondyq shot-faktýralardy paıdalana otyryp, 3,5 myńǵa jýyq baǵa belgileý tizbegine taldaý jasaldy», - dedi mınıstr.