Elimizdegi aýdandyq gazetterge memlekettik qoldaý qajet – Aıdos Sarym

<p>Almatyda VIII saılanǵan Parlament Májilisi janyndaǵy Qoǵamdyq palatanyń kóshpeli otyrysy ótti. Jıyn Qazaqstannyń medıa naryǵyn damytý máseleleri boıynsha jyl saıynǵy XV &laquo;Media Quryltaı 2023&raquo; salalyq konferentsııasy aıasynda uıymdastyryldy, dep habarlaıdy <a href="Kazinform" target="_blank" rel="noopener">Kazinform.</a></p>

Іs-shara barysynda «Buqaralyq aqparat quraldary týraly» zań jobasy talqylandy. Otyrysqa Májilis depýtattary, Qoǵamdyq palata músheleri, Mádenıet jáne aqparat vıtse-mınıstri Qanat Ysqaqov, BAQ jetekshileri, qoǵam qaıratkerleri men sarapshylar qatysty. Zań jobasyn talqylaý barysynda jaqsy usynystar túsip jatsa, Májilis depýtattary ony zańǵa engizýge daıyn. Bul týraly Májilisiniń depýtaty, Halyqaralyq ister, qorǵanys jáne qaýipsizdik komıtetiniń hatshysy Aıdos Sarym aıtty.

«Birqatar mańyzdy másele qarastyryldy. Jıynnyń alǵashqy bóliminde de baspasóz týraly zań talqylandy. Eger jaqsy usynystar túsip jatsa, biz ony zańǵa engizýge daıynbyz. Ekinshiden, búgingi jıyn zań ashyq, anyq túrde talqylanyp, depýtattar ózderi jınalyp, qabyldaǵan zań bolmasyn degen nıetten týyndap otyr. Biz depýtat Ermurat Bápı ekeýimiz 30 shaqty usynys berdik. Ol negizinen aımaqtyq baspasózdi qoldaý, dástúrli baspasózdi, ıaǵnı, gazet, jýrnaldy taratý boıynsha usynystar berip otyrmyz. Mysaly, buryn ár qalada gazet, jýrnal satatyn dúńgirshikter jelisi bolatyn, búginde olar joıylýdyń aldynda tur. Tek vokzal, úlken sýpermarketterde bolmasa, gazet, jýrnal alatyn jer joq. Menińshe osy jelini qaıta qalpyna keltirý kerek, ol bıznes, ol jańa jumys oryndary», - dedi Aıdos Sarym.

Onyń sózinshe elimizdegi aýdandyq gazetterge memlekettik qoldaý qajet. 

«Úlken respýblıkalyq gazetter ólse de, aýdandyq gazetter ólmeıdi. Sebebi, ár aýdanda aýdandyq gazet bar, ol kádimgi orta. Onyń betinde halyq birin-biri týǵan kúnderimen quttyqtap jatady, eske alýǵa shaqyryp jatady, bir-birine jazatyn ýájderi bar, sondyqtan aýdandyq gazetterge melekettik qoldaý qajet. Sebebi, olar sondaı-aq orta men dástúr qalyptastyryp otyr. Bul rette biz baspa máselesine, gazet, jýrnalǵa salyqtyq jeńildik berý máselesin kóterýdemiz. Jalpy, kitap bilimniń bulaǵy, gazet ómirdiń shamshyraǵy, únjarǵysy bolyp qala beredi. Sol úshin merzimdi baspasózdi qoldaý qajet», - dedi Májilis depýtaty.

Aıdos Sarym zań jobasyn talqylaý barysynda jýrnalıster qaýymy ókinishke qaraı baspasóz kartasy, akkredıtatsııa degen máselelerdi ǵana talqylap ketkenin aıtty. 

«Menińshe ol aǵattyq. Sebebi, depýtattar men Amanat partııasynyń ózi «baspasózdi shekteı bermeıik, jýrnalıster qaıda barsa ózderi biledi, olardyń joly jeńil bolý kerek» degen máselelerdi kóterip otyr. Jalpy, biz búgin kórip otyrmyz, bizdiń qoǵam ókinishke qaraı qazaqtyń taqyrybymen emes, Reseı Ýkraına soǵysy, Palestına Izraıl soǵysy taqyrybymen ómir súrip jatyr. Sonda bizdiń eldegi máseleni kim kóteredi? Ol úshin bizdiń baspasóz qyzyqty bolýy kerek. Onda ómir shyndyǵy qaınap jatýy kerek, aıtylýy kerek. Bul rette erkindik te qajet, ınstıtýtsıonaldy kómek te kerek. Memlekettik tapsyrys ol – jýrnalısttiń aýyzyn buǵattaý emes, kerisinshe joly men múmkindigin ashý, izdenýge jol berý kerek degen áńgimeler aıtylyp jatyr», - dedi halyq qalaýlysy Aıdos Sarym.