Elimizdegi alǵashqy avtotýnnel men eń úlken kópirdiń qurylysy qashan aıaqtalady

<p>ASTANA. KAZINFORM — Búginde Shaqpaq baba asýy (Túrkistan oblysy) arqyly ótetin avtomobıl týnnelinde beton jáne asfaltbeton jumystary aıaqtalǵan. Sondaı-aq beınebaqylaý júıesin montajdaý jáne gaz qubyrlaryn ótkizý, jeldetkishter men órtke qarsy jabdyqtardy ornatý boıynsha jumys júrgizilip jatyr.</p>

Foto: Kólik mınıstrligi

«Shaqpaq baba asýy arqyly ótetin elimizdegi alǵashqy avtomobıl týnneliniń qurylysy osy jyldyń sońyna deıin aıaqtalady dep josparlap otyrmyz. Budan bólek, Buqtyrma sý qoımasy arqyly Qazaqstandaǵy eń úlken kópirdiń qurylysyn aıaqtaý kózdelgen. Shyǵys Qazaqstan oblysyndaǵy Buqtyrma sý qoımasy arqyly ótetin eki jolaqty avtomobıl kópiriniń jalpy uzyndyǵy — 1316 metr», — dedi Marat Qarabaev.

Foto: Kólik mınıstrligi

Osylaısha qazirgi ýaqytta Buqtyrma sý qoımasy arqyly Qazaqstandaǵy eń úlken kópirdiń tirekterin salý jumysy 81 paıyzǵa oryndaldy.

Atap aıtqanda, 21 tirektiń 17-si salynyp, qalǵan tórt tirek boıynsha jumys jalǵasyp jatyr. Qazirgi ýaqytta ýaqytsha tehnologııalyq kópirdiń qurylysy tolyǵymen aıaqtaldy.

Foto: Kólik mınıstrligi

Bul — atalǵan qurylys jumystaryn oryndaý úshin qajetti alańdarmen qamtamasyz etetin aýmaq. 

Kirme jolda jer tósemin ornatý jáne qum-qıyrshyq tas tóseý jumystary aıaqtalǵan.

Foto: Kólik mınıstrligi

Foto: Kólik mınıstrligi