Elimizdegi aqyly joldardan 30 mlrd teńgeden astam qarjy tústi

<p>ASTANA. KAZINFORM &ndash; Ótken jyly elimizdegi aqyly 17 joldan 30 mlrd teńgeden astam qarjy tústi. Bul týraly &laquo;QazAvtoJol&raquo; ulttyq kompanııasynan málim etti.</p>

«2023 jyly aqyly 17 joldan júrgizýshiler tarapynan 30 283 900 myń teńge aqsha qarajaty tústi», - delingen kompanııanyń agenttik saýalyna bergen jaýabynda.

Mekeme málimetinshe, atalǵan qarajat aqyly joldardy kútip ustaýǵa jáne aǵymdyq jóndeý jumystaryna, aqy alý júıesin kútip ustaýǵa, ınvestıtsııalardy qaıtarýǵa, jol paıdalaný tehnıkasy men jabdyqtar satyp alýǵa jumsalady.

«Jyldyq aýdıt esebi júrgizilgennen keıin taza kiris anyqtalady. Onyń 80 paıyzy respýblıkalyq bıýdjetke tólenip, qalǵan 20 paıyzy jol salasyn damytý úshin «QazAvtoJol» UK» AQ-ta qalady», - dep naqtylaıdy kompanııadan.