Elimizdegi 6 oblysta kólik qozǵalysy shekteldi

<p>ASTANA. KAZINFORM &ndash; Qazaqstannyń 6 oblysynda respýblıkalyq mańyzy bar 8 jolda avtokólik qozǵalysy shekteldi.&nbsp;</p>

«QazAvtoJol» AQ baspasóz qyzmetiniń habarlaýynsha, 6 oblystaǵy (Aqtóbe, Atyraý, Qostanaı, Pavlodar, Mańǵystaý, SQO) respýblıkalyq mańyzy bar 8 avtomobıl joldarynda (uzyndyǵy 398 km) qozǵalys shekteldi. 

5 sáýir saǵat 09:00-degi jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa-raıynyń jylynýy men qardyń tez erýinen 3 oblysta (Atyraý, SQO, Qostanaı) 6 jol júrý ýchaskesinde (jalpy uzyndyǵy 3 280 metr) sý tasqyny boldy. 

Qazirgi tańda respýblıkalyq joldarǵa 285 birlik tehnıka men 312 adam jumyldyryldy.