Elimizde jumys bir saǵatqa erte bastalýy múmkin

<p>ASTANA. KAZINFORM &ndash; Elimizde biryńǵaı ýaqyt beldeýine kóshýge baılanysty jumys ýaqyty ózgerýi múmkin, naqty aıtqanda bir saǵatqa erte bastalmaq.</p>

Úkimet otyrysynan keıin BAQ ókilderi Eńbek jáne halyqty áleýmettik qorǵaý mınıstri Svetlana Jaqypovaǵa kelesi suraqty qoıdy: «Elimizdiń birqatar óńirinde ýaqyt beldeýiniń aýysýyna baılanysty áleýmettik jelide jumys ýaqytyn bir saǵatqa erte bastaýǵa qatysty usynystar túsip jatyr. Óıtkeni qystygúni qarańǵy erte túsedi. Osy usynysqa qalaı qaraısyz, Eńbek mınıstrliginiń jospary qandaı?».

«Bizge kóp hat kelip jatyr, biz olarǵa jaýap beremiz. Jumys berýshi men jumysshynyń arasynda kelisimshart bar, jumys kestesin eki jaq birge jasaıdy. Sondyqtan qarańǵyda jumys istemeýi úshin, jumys berýshimen kelisip, jumys kestesin qaıta qaraı alady. Negizi bul kúrdeli suraq emes», - dedi dep jaýap berdi Svetlana Jaqypova.

Sondaı-aq, mınıstr jeke jáne bıýdjettik mekemelerge usynys berilgenin aıtty.

«Usynys berdik, ıaǵnı jumys bir saǵatqa erte bastalýy múmkin. Negizi kelisimshart ekijaqty jasalady. Ol Eńbek kodeksinde jazylǵan, zańǵa sáıkes», - dep tolyqtyrdy vedomstvo basshysy.

Eske sala keteıik, bıyl 10 maýsymda ýaqyt beldeýine qatysty petıtsııa qaraýǵa qabyldandy.