Elimizde júk tasymaldaý tarıfteri qymbattady

<p>ASTANA. KAZINFORM - Qazaqstanda júk tasymaldaý tarıfteri ótken jylmen salystyrǵanda 3,8% ósti, dep habarlaıdy Ulttyq statıstıka bıýrosy.</p>

Jyl basynan beri qańtar-qazan aralyǵynda júk tasymaldaý tarıfteri (2023 jyldyń tıisti kezeńimen salystyrǵanda) 3,8% ósti.

Atap aıtqanda, avtotasymaldaý quny 1,6% ósti. Avtomobıl kóligimen halyqaralyq tasymaldaý 1,3% qymbattady, ishki avtotasymaldar - 1,8% ósti.

Áýe júk tasymaly jyl basynan beri 2% qymbattady, onyń ishinde halyqaralyq júk tasymaly 2,3%, respýblıkaishilik áýe júk tasymaly 1,4% qymbattady.

Halyqaralyq qatynasta teńiz júk tasymaly tarıfteri 9,1% ósti.

Sonymen qatar qubyr arqyly tasymaldaý 2,4% qymbattady, onyń ishinde shıki munaıdy jetkizý tarıfteri 4,1% kóterildi.