Elimizde JRVI-diń 1 mln 370 myń jaǵdaıy tirkeldi

<p>Elimizde jedel respıratorlyq-vırýstyq ınfektsııanyń 1 mln 370 myń jaǵdaıy tirkeldi. Bul týraly Densaýlyq saqtaý mınıstri Ajar Ǵınııat málim etti, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Osy jyldyń 10 aıynda 21 ınfektsııalyq aýrý, onyń ishinde: oba, tyrysqaq, dıfterııa, polıomıelıt, súzek aýrýlary, qutyrý, leıshmanıoz, týlıaremııa aýrýlary tirkelgen joq. Byltyrǵy jylmen salystyrǵanda 39 ınfektsııalyq aýrý boıynsha syrqattanýshylyq, onyń ishinde COVID ınfektsııasy - 37 ese, bakterııalyq dızenterııa - 2,8 ese, rıkketsıoz - 2,2 esege, botýlızm - 49,5, rotavırýstyq enterıt – 26, serozdy menıngıt – 26 paıyzǵa jáne salmonellez, ehınokokkoz sııaqty ózge de aýrýlar tómendedi. Aǵymdaǵy osy epıdemıologııalyq maýsym bastalǵannan beri JRVI-diń 1 mln 370 myń jaǵdaıy tirkeldi, onyń ishinde JRVI-men aýyrǵandardyń 66 paıyzyn 14 jasqa deıingi balalar quraıdy», - dedi mınıstr Ortalyq kommýnıkatsııalar qyzmetindegi brıfıngte.

Mınıstr dereginshe, ótken jyldyń sáıkes kezeńimen salystyrǵanda syrqattanýshylyq 8 paıyzǵa tómen. Qarasha aıynan bastap tumaýdyń 115 zerthanalyq rastalǵan jaǵdaıy tirkeldi. Onyń ishinde 14 jasqa deıingi balalardyń arasynda 36-sy rastaldy. Aldyńǵy jyldardaǵydaı A (H3N2) tumaýynyń jáne V tumaýynyń aınalymy baıqalady. Byltyrǵa qaraǵanda 8,1 paıyzǵa tómen.

«Sonymen qatar, burynǵydaı rınovırýstar, bokavırýstar, RS vırýstary, adenovırýstar, paratumaý sııaqty basqa respıratorlyq ınfektsııalar tirkelýde. Tumaýǵa qarsy vaktsınatsııalaý naýqany aıaqtaldy. 2 mln 400 myń adam egildi. Bul jalpy halyqtyń 12,1 paıyzyn quraıdy», - dedi Ajar Ǵınııat.