Elimizde jyljymaly mobıldi brıgadalar qurylady

<p>Premer-Mınıstr Álıhan Smaıylov jol qaýipsizdigin qamtýda birqatar máseleni kóterip, quzyrly organdarǵa mindet júktedi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

«Óńir ákimdikteri jol qaýipsizdigin qamtamasyz etý jáne beınebaqylaý kameralarynyń sanyn kóbeıtý boıynsha qosymsha sharalar qabyldaýy tıis. Avtojoldar boıynda mal jaıýǵa qatysty eldi meken turǵyndarymen jumysty kúsheıtý kerek. Tótenshe jaǵdaılar mınıstrligi tasjoldarda medıtsınalyq-qutqarý beketterin damytyp, onyń ishinde jyljymaly mobıldi brıgadalar qurý boıynsha shara qabyldaýy tıis», - dedi Álıhan Smaıylov Úkimet otyrysynda.

Sondaı-aq, Úkimet basshysy Іshki ister mınıstrligi, Oqý-aǵartý mınıstrligi, Mádenıet jáne aqparat mınıstrlikteri men ákimdikterge jol qozǵalysy erejeleri men qaýipsizdik týraly aqparattyq-túsindirý jumystaryn kúsheıtý qajettigin aıtty.

Odan bólek, Álıhan Smaıylov zańsyz tasymaldaıtyn qalaaralyq taksı qyzmetiniń jumysyn synǵa aldy. 

«Kólik mınıstrligi «Atameken» ulttyq palatasymen birlesip, jekemenshik taksıdiń, ásirese qalaaralyq baǵyttardaǵy taksı qyzmetin retteý jóninde qosymsha sharalar qabyldaýy qajet. Dál osy tasymaldaýshylar kóbinese jol júrý erejelerin elemeıdi, onyń saldary jol apatyna sebep bolady. Sondaı-aq, kólik quraldaryn tehnıkalyq tekserýden ótkizý sapasyn tıimdi baqylaý mehanızmin ázirleý qajet», - deıdi ol.