Elimizde jyl saıyn otbasylar 1 myńnan astam jetim balany asyrap alady
«Bizdiń maqsattarymyzdyń biri – balanyń otbasynda ómir súrip, tálim-tárbıe alý quqyǵyn qamtamasyz etý. 21 387 jetim balanyń 17 660-sy Qazaqstan otbasylarynda tárbıelenip jatyr. Qazaqstan azamattary jyl saıyn 1 myńnan astam balany otbasyna qabyldaıdy. Tálimgerlik ınstıtýty engizildi. Elimizde 300-den astam adam jetim balalardyń tálimgeri boldy», - dedi ol Ortalyq kommýnıkatsııalar qyzmetindegi brıfıngte.
Sonymen qatar ol «DOSBOLLike» ulttyq antıbýllıngtik baǵdarlamasynyń júzege asyrylýy týraly aıtty.
«Synaýdan sátti ótkennen keıin «DosbolLIKE» baǵdarlamasyn búkil el aýmaǵynda taratý josparlanýda. Atalǵan baǵdarlama qaýipsiz oqý ortasyn qurý úshin mańyzdy qadam, onda árbir bala ózin qorǵalǵan sezine alady», - dep atap ótti Nasymjan Ospanova.
Esterińizge sala keteıik, ulttyq antıbýllıngtik baǵdarlama elimizdiń 50 mektebinde, onyń ishinde 31 qalalyq jáne 19 aýyldyq mektepte pılottyq rejımde júzege asýda. Bul Qazaqstannyń barlyq balalary úshin qaýipsiz jáne qoldaý kórsetetin oqytý ortasyn qurý jolyndaǵy mańyzdy qadam sanalady.