Elimizde jeke derekter jınaıtyn kompanııalardan kıbersaqtandyrý talap etiledi

<p>ASTANA. KAZINFORM &ndash; Azamattardan jeke basyna qatysty jappaı derekterdi jınaıtyn kompanııalardan kıbersaqtandyrý talap etilmek. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.&nbsp;</p>

«Bizde bıometrııalyq derekterdi jınaýǵa múmkindik beretin tıisti zańdar bar, ıaǵnı derbes derekter zańmen rettelgen. Sonymen qatar siz jeke bıometrııalyq derekterdi uıaly telefon, banktik qosymshalar arqyly qoldanasyz. Meniń oıymsha, memlekettik deńgeıde jeke derekter qaýipsiz saqtalady, óıtkeni aqparattyq júıeler sertıfıkattalǵan jáne tıisti qaýipsizdik maqsatynda kún saıyn tekseriledi. Eger siz jeke derekterdi keıbir jeke nemese shaǵyn kompanııalarǵa, týrıstik operatorlarǵa taǵy basqa mekemelerge berseńiz, ol jaǵdaıda qaýipsizdik úshin, árıne, kompanııanyń ózinen basqa eshkim jaýap bere almaıdy», - dedi Jaslan Mádıev Úkimet úıinde ótken brıfıngide.

Sonymen qatar mınıstr jeke málimetterge qatysty kıbersaqtandyrý máselesin kóterdi. 

«Qazir jeke derekterdi jappaı jınaıtyn kompanııalardyń jaýapkershiligin arttyrý úshin talaptardy zańnamalyq turǵyda engizip jatyrmyz, ıaǵnı mıllıon jáne odan da kóp adamnyń jeke derekterin jınaıtyn kompanııalardyń qyzmetine mindetti kıbersaqtandyrýdy engizetin bolamyz. Sondyqtan bul baǵytty qatań qadaǵalaıtyn bolamyz», - deıdi ol. 

Buǵan deıin Jaslan Mádıev aldaǵy bes jylda 1 mıllıon adam jasandy ıntellekt tehnologııasyn meńgeretinin aıtqan edi. 

Aıta ketsek, Qazaqstan bıyl jarty jylda 306 mln dollarǵa IT qyzmetterdi eksporttady.