Elimizde jasy 60-tan asqan qansha adam bar

<p>Qazaqstanda jalpy halyq sanynyń 13,2%-y &ndash; 60 jastan asqan jandar, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Ulttyq statıstıka bıýrosyna silteme jasap.&nbsp;</p>

Bıyl jyl basyndaǵy jaǵdaı boıynsha 60 jáne odan joǵary jas tobyndaǵy halyq sany 2 616 515 adam (eldiń jalpy sanynyń 13,2%) bolǵan. Onyń ishinde 1 031 051 adam (39,4%) – er jáne 1 585 064 adam (60,6%) – áıel.

Egde jastaǵy halyqtyń eń kóp sany Almaty qalasynda – 288 922 adam, Qaraǵandyda – 200 186 adam, Túrkistanda – 190 160 adam jáne Almaty oblysynda – 177 685 adam.

2022 jyly 60 jáne odan joǵary jastaǵylar arasynda jumyspen qamtylǵandar sany – 308,3 myń adam. Onyń 63,4%-y erler jáne 36,6%-y áıelder. Bul 2021 jylmen salystyrǵanda 60-64 jas aralyǵyndaǵy jumyspen qamtylǵan halyq sany 4,6% azaıǵan. Aıtarlyqtaı tómendeý osy jas tobyndaǵy áıelderge tıesili – 16,1%. 2021 jylmen salystyrǵanda byltyr zeınetaqy men memlekettik járdemaqy alýshylar sany 2,8% artqan.

2022-2023 oqý jylynyń basynda 63 jáne odan joǵary jastaǵy jáne joǵary oqý oryndarynan keıingi bilim berý uıymdaryndaǵy erler sany 2 887 adam, 60 jastan asqan áıelderde sany – 4 189 adam. Onyń ishinde magıstr akademııalyq dárejesi bar 322 adam, fılosofııa doktory 132 adam, beıini boıynsha doktor 145 adam, ǵylym doktory 1 512 adam, ǵylym kandıdaty 3 336 adam, professor 1 238 adam jáne dotsent 1 986 adam.