Elimizde Zhas Project jobasyna qatysýǵa ótinimder qabyldaý bastaldy

<p>ASTANA. KAZINFORM &ndash; Búgin Qazaqstannyń 20 óńirinde &laquo;Zhas Project&raquo; jobasyna qatysýǵa ótinimder qabyldaý bastaldy. Jobaǵa NEET sanatyndaǵy 18-34 jas aralyǵyndaǵy jastar qatysa alady.</p>

«Zhas Project» jas qazaqstandyqtardyń múmkindikterin keńeıtýge baǵyttalǵan. Jobaǵa qatysýshylar óz óńirlerinde jergilikti qoǵamnyń áleýmettik máselelerin sheshýge baǵyttalǵan úzdik bastamalardy iske asyra alady. Olar sondaı-aq kóshbasshylyq qasıetterdi damyta alady, áleýmettik jáne kásiptik baǵdarlaý boıynsha jańa bilim men daǵdylarǵa ıe bolady, sonymen qosa bıznesti qurý jáne júrgizý boıynsha kásibı mentorlyq qoldaýǵa ıe bolady. 

Azamattyq bastamalardy qoldaý ortalyǵy basshylyǵynyń málimetinshe, joba jeńimpazdary áleýmettik bastamalardy iske asyrý úshin 1 mıllıon teńgege deıin shaǵyn grant alady. 

QR Mádenıet jáne aqparat mınıstrligi 280 jobany iske asyrýǵa 280 mıllıon teńge bólgenin atap ótken jón.

Ótinimderdi qabyldaý 24 sáýir saǵat 23:59-ǵa deıin jalǵasady. Uıymdastyrýshylardyń baılanys aqparaty men ótinim qabyldaıtyn saıttary cisc.kz saıtynyń Zhas project bóliminde ornalasqan.