Elimizde jańadan 12 fýtbol stadıony salynbaq
— Mınıstrlik respýblıka boıynsha barlyq sport nysandaryna túgendeý jumystaryn júrgizdi. Atap aıtqanda, elimizde sporttyń oıyn túrlerine arnalǵan (fýtbol, voleıbol, strıtbol, vorkaýt) 6 100 jazyqtyq alań bar, onyń ishinde 1 200-den astamy aýyldyq jerlerde ornalasqan. Aýyldyq balalar men jasóspirimderdiń jyl boıy fýtbolmen, mını fýtbolmen jáne sporttyq oıyndarmen shuǵyldanýy úshin 358 sporttyq keshen qoldanylady. Elimizde 1 500-den 30 000 oryndyq tıisti sanattaǵy 28 negizgi stadıon bar, sondaı-aq Qyzylorda qalasynda 10 myń oryndyq trıbýnalary bar bir stadıon salynyp jatyr. Odan basqa elimizde 12 stadıon qurylysy josparlanýda. Osylaısha, barlyq stadıondardy ÝEFA-nyń halyqaralyq talaptaryna sáıkestendirý boıynsha jumystar kezeń-kezeńmen júrgiziletin bolady, — dedi Úkimet basshysy jaýabynda.
Sonymen qatar Premer-Mınıstr Qazaqstan fýtbol federatsııasy ÝEFA mamandarymen birge
2034 jylǵa deıingi qazaqstandyq fýtboldy damytý strategııasyn bekitkenin atap ótedi.
— Strategııada jalpy Qazaqstanda kásipqoı jáne áýesqoı fýtboldy keshendi damytýdyń, fýtbolshylardy daıarlaý júıesin qurýdyń erekshelikteri, fýtbol bıznesi ındýstrııasyn qurý, halyqaralyq arenadaǵy sporttyq nátıjelerdi jaqsartý baǵytynda kásipqoı fýtboldy transformatsııalaý qarastyrylǵan, — dedi Oljas Bektenov.