Elimizde jańa kólikter sany 15%-ǵa azaıǵan

<p>ASTANA. KAZINFORM - 1 sáýirdegi kórsetkish boıynsha, bıyl elimizde 5,4 mln kólik tirkelgen. Bul byltyrǵydan 15,9% kóp, dep habarlaıdy energyprom.kz saıty.</p>

Jyly jańa kólikterge keler bolsaq, shyqqanyna 7-10 jyl bolǵan kólikter sany 5,7% ósip, 671 myńǵa jetken. Al 3-7 jyldyq kólikter sany 3,2 ese kóbeıip, 633,8 myń bolǵan. Al 3 jylǵa tolmaǵan kólikter sany 328,4 myń - byltyrǵydan 14,6% kem. 

Júk kólikterdiń sany 533,1 myńǵa, avtobýstar sany 110,7 myńǵa jetken.

Óńirler boıynsha kólik eń kóp tirkelgen qalalardan Almaty kósh bastap tur. Munda 626,9 myń avtomobıl bar. Bul bir jyl burynǵy kórsetkishten 14,6%-ǵa artyq.

Ekinshi orynda — Almaty oblysy (589,3 myń) men Astana (392,9 myń). Eń tómengi kórsetkishter jańa óńirlerge tıesili: Ulytaý (19,8 myń), Abaı (48,6 myń) jáne Jetisý oblystary (55 myń).

Dıplomatııalyq nómirleri bar kólikter sany bir jylda 12,1%-ǵa ósip, 48,1 myń bolǵan. Al óńiri kórsetilmegen kólikter sany 15%-ǵa ósip, 288,4 myńǵa jetti.

Halyq qozǵaltqyshy 1500-den 2000 tekshe metrge deıingi kólikterdi jıi paıdalanady. Mundaı kólikterdiń sany bir jylda 13,6%-ǵa ósip, 2,1 mln-ǵa jetti.

Sondaı-aq, kólikterdiń basym bóligi benzınmen júredi. Bıyl bul kórsetkish 4,4 mln-ǵa jetken. Mundaı kólikter byltyr 15,4%-ǵa az bolǵan. 408,7 myń avtomobıl aralas otynmen, 383,8 myń avtomobıl dızeldik otynmen, 12,8 myń avtomobıl gazben júredi.

Elimizde tirkelgen kólikterdiń basym bóligi eski. Máselen, 1 sáýirdegi málimet boıynsha, 20 jyldan asqan 2,5 mıllıon avtokólik bar. Al shyqqanyna 10-20 jyl bolǵan kólikter sany  — 1,3 mln.

Halyqtyń jeke menshigindegi jeńil avtomobılder sany 100 adamǵa shaqqanda 22,6 avtokólikti qurady.

Eń joǵary kórsetkish Shyǵys Qazaqstan oblysynda baıqaldy. 100 adamǵa — 39,1. Budan ári Almaty (100 adamǵa 33,7), Qaraǵandy (100 adamǵa 26,6) jáne Soltústik Qazaqstan (100 adamǵa 26,1) oblystary tur.

Qalamqas Nysanbaı