Elimizde «Úzdik jolserik» konkýrsy ótedi

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynda saladaǵy jumysshy mamandyqtardyń bedeli men mártebesin arttyrý úshin qandaı sharalar qabyldanatynyn aıtty.</p>

- Jumysshy mamandyqtar jylyn ótkizý aıasynda 15 kásibı standartty bekitý kózdelgen. Oqý oryndarymen birlesip jańa mamandyqtardyń bilim berý baǵdarlamalary ázirlenedi. Kolledjder arasynda dýaldy bilim berý júıesi keńeıtiledi. Professor-oqytýshylar quramy men stýdentterge arnalǵan beıindi mamandardyń qatysýymen kóshpeli dárister ótkizý josparlanǵan, - dedi Marat Qarabaev.

Mınıstr saladaǵy jumysshy mamandyqtardy nasıhattaý úshin kásibı konkýrstar ótkiziletinin atap ótti.

- «Jas úzdik maman», «Úzdik baılanysshy», «Úzdik jolserik» jáne basqa da nomınatsııalardy kózdeıtin konkýrstar ótkiziledi. Kólik salasyndaǵy kásiporyndarmen «Ashyq esik kúnderi» uıymdastyrylady.

Osy sharalardy júzege asyrý jumysshy mamandyqtardyń ımıdjin jaqsartýǵa, jastardyń kólik salasyna qyzyǵýshylyǵyn arttyrýǵa jáne olardy jumysshy mamandyqtarǵa tartýǵa múmkindik beredi, - dedi Kólik mınıstri.

Eske salsaq, Prezıdent Jarlyǵymen 2025 jyl Jumysshy mamandyqtarynyń jyly dep jarııalanǵany edi.