Elimizde uıaly baılanys qyzmetiniń tarıfi 13 jylda birneshe ret ózgerdi

<p>ASTANA. KAZINFORM &ndash; Sarapshylar sońǵy jyldary Qazaqstanda uıaly baılanys qyzmetiniń qanshalyqty qymbatqa túskenin eseptep kórdi.</p>

Birinshi nesıe bıýrosynyń sarapshylary baǵa sońǵy 13 jylda joǵary qarqynmen ósti degen qorytyndyǵa keldi.

«Bıyl aqpan aıyndaǵy baǵa qańtar aıymen salystyrǵanda 6,2%-ǵa ósti. Bul – 2011 jyldyń qańtarynan beri eń joǵary aılyq kórsetkish. Sońǵy ret 2023 jyldyń shilde jáne tamyz aılarynda baǵanyń kúrt qymbattaǵany tirkelgen edi (2,8%). Al uıaly baılanys qyzmeti sońǵy ret 2018 jyldyń aqpan aıynda arzandady», - delingen Birinshi nesıe bıýrosynyń habarlamasynda.

Esterińizge salsaq, bıyl 15 qańtarda Tele2, Kcell jáne Beeline uıaly baılanys operatorlaryna sapasyz qyzmet kórsetkeni úshin 3,2 mıllıard teńge aıyppul salynǵan bolatyn.