Elimizde ulttyq tsıfrlyq ınvestıtsııalyq platforma iske qosylady

<p>QR Premer-Mınıstriniń birinshi orynbasary Roman Sklıardyń tóraǵalyǵymen ótken Investıtsııalardy tartý jónindegi keńestiń kezekti otyrysynda jańa aqparattyq júıe tanystyryldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>Premer-Mınıstrdiń resmı aqparattyq resýrsyna silteme jasap.&nbsp;</p>

Ulttyq tsıfrlyq ınvestıtsııalyq platforma ınvestıtsııalyq jobalardy keshendi súıemeldeý boıynsha aqparattyq júıe qurýdy kózdeıdi. Bul barlyq tarapqa – kásipkerlerge jáne memlekettik organdar, qarjy ınstıtýttary men kvazımemlekettik sektor ókilderine birdeı paıdaly bolady dep josparlanǵan.

Tsıfrlyq platformanyń fýnktsıonaly barlyq protsesti, onyń ishinde ınvestorlar úshin Qazaqstanda qoljetimdi memlekettik qyzmetterdi tolyq qamtýǵa múmkindik beredi.

Investıtsııalardy tartý máselelerinde memlekettik qyzmetterdi tsıfrlandyrý – Úkimettiń basym jáne ózekti mindetteriniń biri. Ulttyq ınvestıtsııalyq platforma eń aldymen ınvestorlar úshin ázirlenip jatqany atap ótildi. Sondyqtan ol barlyq usynylǵan qoldaý sharalaryn qamtýy qajet jáne paıdalanýshylar úshin múmkindiginshe yńǵaıly bolýy kerek.

Ulttyq ınvestıtsııalyq platforma kóptegen protsesti jeńildetip qana qoımaı, olardyń ashyqtyǵyn qamtamasyz etedi. Bul óz kezeginde Qazaqstannyń ınvestıtsııalyq tartymdylyǵyn aıtarlyqtaı arttyrady dep kútilýde. Osyǵan baılanysty memlekettik organdarǵa platformany iske qosýdy jedeldetý jáne júıege ınvestıtsııalyq jobalar boıynsha barlyq derekti engizý tapsyryldy.

Investıtsııalardy tartý jónindegi keńestiń otyrysynda kólik, logıstıka, densaýlyq saqtaý jáne týrızm salalarynda iske asyrý josparlanǵan jobalar da qaraldy.

Atap aıtqanda, kólik salasynyń ınvestıtsııalyq áleýeti boıynsha ÚAAAJ jobasyn iske asyrý mysalynda «kontsessııa» mehanızmin odan ári damytý, sondaı-aq azamattyq avıatsııa jáne temirjol kóligi salasyndaǵy jobalar pýlyn birneshe ese ulǵaıtý qajettigi atap ótildi.

Densaýlyq saqtaý salasy boıynsha medıtsınalyq jabdyqtar óndirisin lokalızatsııalaý, bıotehnologııalyq preparattar óndirisin keńeıtý jáne klınıkalar salý syndy jekelegen ınvestıtsııalyq jobalar qaralyp, tapsyrmalar berildi.

Aımaqtar boıynsha Ulytaý oblysy ákimdiginiń ınvestıtsııalar tartý jónindegi jumysy qaraldy. Búginde óńirde 19 ınvestıtsııalyq jobadan turatyn pýl qurylǵan, onyń sheńberinde 1700-den astam jańa jumys ornyn ashý josparlanyp otyr.

Alǵa qoıylǵan mindetterge qol jetkizý úshin óńirge ınvestıtsııalar tartý boıynsha qajetti sharalardy qabyldaý kerek ekeni atap ótildi. Memlekettik jáne jergilikti atqarýshy organdarǵa atalǵan barlyq problemalyq máselelerdi qysqa merzimde sheshý tapsyryldy.