Elimizde ýaqyt beldeýi qaıta ózgerýi múmkin be

<p>ASTANA. KAZINFORM &ndash; Bıyl elimiz biryńǵaı ýaqyt beldeýine kóshti. Ózgeriske qarsy shyqqan qazaqstandyqtar buryn qoldanysta bolǵan ýaqyt beldeýin qaıtarý jónindegi petıtsııa jarııalady. Saýda jáne ıntegratsııa vıtse-mınıstri Qaırat Tórebaev petıtsııaǵa qatysty túsinik berdi.</p>

«Petıtsııa bıyl 19 sáýirde bastaldy. Qazir 1 myńnan astam adam daýys bergen, biz eskertýlerdi muqııat baqylaımyz. Reglament boıynsha biz aldymen petıtsııanyń nátıjesin kútemiz, sodan keıin ony qarastyramyz. Ázirge ýaqyt beldeýiniń ózgerýine qatysty aıtýǵa erte. Qazir mınıstrliktiń ustanymyn aıtý múmkin emes. Biz basqa memlekettik organdarmen birlesip alqaly túrde qabyldaǵan resmı ustanymdy ustanamyz», - dedi Qaırat Tórebaev Májilistegi brıfıngide.

Onyń aıtýynsha, petıtsııaǵa daýys berý nátıjesi belgili bolǵan soń máselege qaıta qaralady.

«Bıyl jeltoqsanda petıtsııa berý merzimi aıaqtalǵannan keıin bul máselege qaıta oralamyz. Barlyq memlekettik organdarmen qaraıtyn bolamyz. Endi biz jeltoqsan aıynda sheshiletin máseleni gıpotetıkalyq túrde talqylaıtyn bolamyz. 50 myń daýysqa jetken jaǵdaıda, másele Úkimet ishinde qaıtadan iske qosylady»,- dep tolyqtyrdy vıtse-mınıstr.

Eske sala keteıik, 1 naýryzdan bastap Qazaqstanda ýaqyt bir saǵat artqa jyljydy.