Elimizde turmystyq zorlyq-zombylyqqa qarsy is-qımyl saıasaty qaıta qaralady

<p>Úkimet turmystyq zorlyq-zombylyqtyń aldyn alý boıynsha ıaǵnı osy salalaǵy saıasatty qaıta qaraý jónindegi jol kartasyn iske asyryp jatyr. Bul týraly ІІM ákimshilik polıtsııa komıteti tóraǵasynyń orynbasary Renat Zulhaıyrov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Jábirlenýshilerdiń qaýipsizdigin qamtamasyz etý maqsatynda ótken jyly 87 myń qorǵaý nusqamasy taratyldy. Otbasynda zorlyq-zombylyq kórsetýshiler polıtseılerdiń baqylaýynda. Aıyptyǵa birqatar shekteý qoıylady, osyǵan talaptardy buzý boıynsha 12 myń faktiniń joly kesildi. Qabyldanǵan sharalardyń nátıjesinde qoǵamda túrli quqyq buzýshylyqtarǵa tózbeýshilik qaǵıdaty qalyptasqanyn atap ótken jón», - dedi Renat Zulhaıyrov ІІM-de ótken baspasóz máslıhatynda.

Onyń aıtýynsha, turmystyq zorlyq-zombylyq kórsetkishiniń azaıǵany baıqalyp otyr.

«Polıtseılerdiń kúsh kórsetýshilerge qarsy shara qabyldaýynda keıbir máseleler boıynsha quzyreti ruqsat bermeıdi. Osyǵan baılanysty Úkimet turmystyq zorlyq-zombylyqtyń aldyn alý boıynsha ıaǵnı osy salalaǵy saıasatty qaıta qaraý jónindegi jol kartasyn iske asyryp jatyr», - deıdi ol.