Elimizde tórt aıda 30 myńǵa jýyq otbasylyq zorlyq-zombylyq faktisi tirkelgen

<p>ASTANA. KAZINFORM &ndash; Bıyl qańtar-sáýir aılary aralyǵynda otbasylyq zorlyq-zombylyq týraly keıbir faktilerdi polıtsııa qyzmetkerleri ózderi anyqtaǵan.</p>

Іshki ister mınıstrliginiń resmı aqparatyna súıensek, 2024 jyldyń 4 aıynda turmystyq zorlyq-zombylyq faktileri boıynsha 28 189 shaǵym túsken, al byltyr bul kórsetkish 35 202 bolǵan. Zorlyq kórsetken 44,4 myń adam ákimshilik jaýapkershilikke tartylyp, onyń ishinde 11 026 myń adam qamaýǵa alyndy.

«Ótken jyly jábir kórýshilerdiń aryzdanýdan bas tartýyna baılanysty 60%-dan astam quqyq buzýshy jazadan jaltarsa, bıyl tirkelgen faktiler boıyna aıyptylardyń 98%-na shara qabyldandy», - delingen Іshki ister mınıstrliginiń Kazinform agenttigi joldaǵan resmı saýal jaýabynda.

Odan bólek, polıtsııa qyzmetkerleri «agressorlarǵa» qatysty 34 myń qorǵaý nusqamasyn shyǵarǵan. Sonymen qatar sot Іshki ister organdarynyń ótinishhaty boıynsha quqyq buzýshylardyń minez-qulqyna 4 myńnan astam erekshe talaptar belgilegen.

«Qabyldanǵan uıymdastyrý jáne quqyqtyq sharalardyń nátıjesinde bıyl 4 aıdyń qorytyndysy boıynsha turmystyq zorlyq-zombylyq faktileri negizinde shaǵymdardyń sany 20%-ǵa, otbasylyq-turmystyq qatynastar salasyndaǵy qylmystyq quqyq buzýshylyqtar 5%-ǵa, onyń ishinde kisi óltirý 2,4%-ǵa jáne aýyr dene jaraqatyn keltirý 6,8%-ǵa azaıdy», - deıdi vedomstvodan.

Aıta keteıik, ótken jyly Іshki ister organdaryna otbasynda zorlyq-zombylyq kórý boıynsha 99 026 fakti tirkelgen.

Sondaı-aq, Іshki ister mınıstrligi otbasynyń shyrqyn buzyp, qamaýǵa alynǵandardyń sany artqanyn aıtyp otyr.