Elimizde tólemdi kartamen qabyldaý 1,5 ese ósti

<p>Ótken jyly 11 aıdyń qorytyndysy boıynsha elimizde tólem kartalarynyń sany 38,5 mln-ǵa jetti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://ranking.kz/reviews/banking-and-finance/predprinimateley-prinimayuschih-oplatu-platyozhnymi-kartami-stalo-v-poltora-raza-bolshe.html" target="_blank" rel="noopener">Ranking.kz</a> resýrsyna silteme jasap.&nbsp; &nbsp;</p>

Onyń ishinde 33,5 mln birlik kredıttik karta, 4,7 mln birlik debettik jáne 275,7 myńy basqa kartalar. Bes jyl ishinde paıdalanylatyn tólem kartalarynyń sany 3,6 ese ósti.

Kásipkerler qolma-qol aqshasyz tólemdi qoldaıdy. Ótken jyldyń úsh toqsany boıynsha saýda kásiporyndarynda 975,3 myń POS-termınaldar boldy. Sonymen qatar saýda núkteleriniń sany artty. Tólemdi ekvaıermen qyzmet kórsetýge shart jasasqan kásipkerler sany birden 1,5 ese ulǵaıdy.

Kásipkerlik qyzmetine qatysty mobıldi aýdarymdarǵa qatań baqylaý júrgiziledi. 2023 jyly memlekettik kirister komıtetine bankterden úsh aı ishinde 100 túrli tulǵadan ótinish kelip tústi. Joba jasyryn kirister men tirkelmegen kásipkerlerdi anyqtaýǵa baǵyttalǵan. Óıtkeni kóptegen kásipker (dúkender, taksı júrgizýshileri jáne t.b.) jeke shottarǵa mobıldi aýdarymdar arqyly taýarlar men qyzmetterge aqy alady. Sonymen qatar aýdarymdarǵa kóbine chekter berilmeıdi.

Elimizde tólemdi qolma qol aqshamen qabyldaıtyn kásipkerlerdiń úshten biri Almaty (143,8 myń), Astana (97,2 myń) jáne Shymkent (47,2 myń) megapolısterine tıesili.