Elimizde tıimdi kolledjderdiń ekojúıesi qurylady

<p>ASTANA. KAZINFORM — Oqý-aǵartý mınıstri Ǵanı Beısembaev Úkimet otyrysynda «Jumysshy mamandyqtar» jylynda kásiptik-tehnıkalyq bilim berý júıesi qalaı reformalanatynyn aıtty.</p>

— Bizge tehnıkalyq bilim júıesiniń reformasy qajet. Osy baǵytta qandaı jumys atqarylyp jatyr, — dep surady Premer-mınıstr Oljas Bektenov.

Mınıstr Ǵanı Beısembaev bul baǵytta arnaıy jol kartasy bekitilgenin málim etti. 

— Jalpy osy «Jumysshy mamandyqtar» jyly aıasynda kásiptik-tehnıkalyq bilimdi transformatsııalaýǵa basymdyq beriledi. Bul baǵytta mınıstrlik múddeli memlekettik organdarmen birge kadr daıarlaýdyń sapasyn arttyrý, tsıfrlyq tehnologııalardy jáne halyqaralyq standarttardy yńǵaılastyrý jáne jalpy kolledj, bıznes, JOO-lardyń yntymaqtastyǵyn kúsheıtý baǵytynda jol kartasyn bekitip otyr. Bul Jol kartasy tıimdi kolledjderdiń ekojúıesin qurýǵa nátıjeli kómek beredi degen úmit bar, — dedi vedomstvo basshysy.

Eske salsaq, buǵan deıin jekemenshik jáne memlekettik kolledj pedagogteriniń jalaqysy teńestiriletinin jazdyq.

Sonymen qatar, Prezıdent Jarlyǵymen 2025 jyl «Jumysshy mamandyqtarynyń» jyly dep jarııalanǵan edi.