Elimizde taksı júrgizýshileri mindetti medıtsınalyq tekserýden qashannan bastap ótedi

<p>ASTANA. KAZINFORM &ndash; Kólik mınıstri Marat Qarabaev Qazaqstandaǵy taksı júrgizýshilerin medıtsınalyq tekserýden ótkizýge qatysty túsinik berdi.</p>

Úkimet otyrysynan keıingi baspasóz máslıhatynda mınıstr qazir tıisti túzetýler pysyqtalyp jatqanyn aıtty. Júrgizýshi qyzmetin bastaǵanǵa deıin mindetti medıtsınalyq tekserýden ótkizý qarastyrylyp jatyr.

«Bıyl emes, keler jyly iske qosylýy múmkin. Naqty qaı kezde engiziletinin taǵy da jarııalaımyz. Sebebi bul turǵyda memlekettik organdar da, ınternet-agregatorlar da (InDriver jáne ıAndeks) tıisti daıyndyqtan ótýi kerek», - dedi M. Qarabaev.

Bıyl shilde aıynda Іshki ister mınıstri Erjan Sádenov ınternet arqyly taksı qyzmetin kórsetýshilerdiń jumysyn zańmen retteý qajettigin aıtty.