Elimizde taǵy úsh jer serigi qurastyrylady

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Senattyń jalpy otyrysynda jer serikterin baılanys salasyna tartý jumysy jalǵasatynyn aıtty.</p>

«Jerdiń qashyqtan zondtaý jobalaryna toqtalsaq, túsirý múmkindigi orta deńgeıdegi úsh jer serigin jasaý týraly kelisimshartqa qol qoıyldy. Ol jer serikterin iske qosý 2027 jylǵa josparlanǵan. Sondaı-aq, Mońǵolııamen jer serigin óndirip, eksporttaý týraly kelisimshartqa qol qoıyldy. Geostatsıonarlyq emes baılanys júıesine kelsek, OneWeb jerústi stansasy qoldanysqa berildi. 1800 mektep Starlink arqyly ınternetke jalǵandy. 2026 jyly Amazon Kuiper jáne SpaceSail júıeleri arqyly shalǵaı óńirlerge ınternet jetkizý josparlanǵan», - dedi vedomstvo basshysy.

Jaslan Mádıev KazSat-3 jer seriginiń keleshegine de toqtaldy.

«KazSat-3R jobasy týraly aıtsaq, KazSat-3 jer serigin aýystyrý 2029 jylǵa josparlanyp otyr. Bul jerserik baılanysy men TV-kórsetilimdi úzdiksiz berý úshin kerek. Qazir jobalaý jumystary júrip jatyr. Jer serigin jasaý kelisimshartyna 2025 jyl qol qoıý josparlanǵan», - dedi mınıstr.

Osyǵan deıin Qazaqstannyń 2025 jyly ǵaryshqa óz zymyranyn ushyratyny týraly jazdyq.