- Sý tasqynyna daıyndyq jumystary aıaqtalýǵa jaqyn. Tasqynmen kúres is-sharalaryna qansha kúsh pen qarajat jumsalatynyn naqty bilemiz. Shamamen 40 myń adam tartylady. Sondaı-aq, aqpan aıynyń 5-6-da «Kóktem-2025» respýblıkalyq komandalyq-shtabtyq oqý-jattyǵýdy ótkizýdi josparlap otyrmyz. Bıyl oqý-jattyǵý jańa formatta ótedi. Osylaısha, aqpan aıynda ońtústik jáne batys aımaqtarda, al naýryzda soltústik jáne basqa da óńirlerde oqý-jattyǵý ótkizgeli otyrmyz, - dedi Magomet Ahrıev vedomstvoda ótken baspasóz máslıhatynda.
TJM ókiliniń aıtýynsha, shtab Atyraý oblysynda bolady.
- Sý tasqyny boljamyna kelsek, biz qıyn jaǵdaıǵa daıyndalyp jatyrmyz. Bizde bıyl qys qarly bolady degen málimet bar. Qalaı bolǵanda da, biz qıyn sátke daıyndalyp, qalaı bolatynyn qarastyramyz, - deıdi ol.
Eske sala keteıik, ótken jyldyń sońynda sý tasqynyn ǵaryshtan boljaýǵa arnalǵan qazaqstandyq aqparattyq júıeniń múmkindigine sholý jasaǵan edik.