Elimizde taǵy bir sot protsesi tikeleı efırden kórsetilip jatyr

<p>ASTANA. KAZINFORM &ndash; QR Joǵarǵy Soty kezekti sot otyrysyn tikeleı efırde kórsetý týraly sheshim qabyldady.</p>

Sot protsesi qoǵamdy dúrliktirgen Almaty qalasyndaǵy avtobýs apaty ekenin atap ótken jón.

Esterińizge sala keteıik, Almatyda qoǵamdyq kólikte ketip bara jatqan jolaýshylardyń biri júrgizýshige qol jumsap, júrgizýshi esinen tanyp qalǵan bolatyn. Al avtobýs aıaldamada turǵan 3 adamdy qaǵyp, mert qyldy.

«Almaty qalasynyń Qylmystyq ister jónindegi mamandandyrylǵan aýdanaralyq sotynda abaısyzda úsh adamnyń ólimine ákelgen buzaqylyq jáne kóliktiń qaýipsiz jumysyn qamtamasyz etý erejelerin buzdy dep aıyptalǵan sottalýshyǵa qatysty qylmystyq is boıynsha kezekti sot otyrysy ótedi. Osy is boıynsha sot protsesine qoǵamnyń qyzyǵýshylyǵyn eskere otyryp, sot otyrystarynyń onlaın translıatsııasyn uıymdastyrý týraly sheshim qabyldandy», - delingen Joǵarǵy sottyń málimdemesinde.

Sot otyrysy Almaty qalalyq ádilet sotynda búgin saǵat 15:00-de bastaldy. Onlaın translıatsııany Joǵarǵy Sottyń YouTube-kanalynan kórýge bolady.