Elimizde tabysy joq jastarǵa nesıe berýge shekteý engizilmek

<p>Qazaqstanda tabys kózin kórsetetin qujatsyz jastarǵa nesıe berýge tyıym salynbaq. Bul týraly Májilis depýtaty Berik Beısenǵalıev aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Nesıe berý kezinde bank qaryzdy kimder alyp jatqanyna qaraýy kerek. Onda tıisti tarmaq eskerilgen. 21-ge tolmaǵan adam onlaın-keredıt alý kezinde ony qaı tabys kózi arqyly óteıtinin kórsetýi kerek. Qazir aqshasy men jalaqysy bolmasa da, birneshe nesıe alyp jatqan stýdentter kóp. Árıne, tabys kózi bolmasa, nesıeni óteı almaıtyny túsinikti jaǵdaı», - dedi B. Beısenǵalıev agenttik tilshisiniń suraqtaryna jaýap bere otyryp.

Depýtattyń aıtýynsha, stýdentter bir nesıe alyp, ekinshisin jabýǵa paıdalanady.

«Bir nesıe alyp, onymen ekinshisin jaýyp tastaıdy. Osylaı qaryzdary jınaqtala beredi. Buǵan jol bermeý úshin tıisti shekteý qarastyrylǵan. Kiristi rastaıtyn qujatsyz 21 jasqa tolmaǵan adamǵa nesıe berýge tyıym salynady», — dep túsindirdi Berik Beısenǵalıev.

Búgin habarlanǵanymyzdaı, Parlament Májilisiniń qaraýyna «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi barynsha azaıtý jáne qaryz alýshylardyń quqyqtaryn qorǵaý máseleleri boıynsha ózgerister men tolyqtyrýlar engizý týraly» zań jobasy engizildi.

Bul qujatta nesıeler boıynsha merzimi ótken bereshegi bolǵan jaǵdaıda azamattarǵa jańa tutynýshylyq nesıeler berýge tyıym salý, 90 kún keshiktirilgennen keıin barlyq nesıe boıynsha paıyzdardy esepteýge tyıym salý, sondaı-aq bankter men mıkroqarjy uıymdarynyń kollektorlyq agenttikterine azamattardyń nesıelerin satýyna shekteý engizý jáne taǵy da basqa normalar qarastyrylǵan.