Elimizde sýdıalyq qyzmet salasynda 300 oryn bos tur

<p>ASTANA. KAZINFORM &ndash; Bıyl elimizde túrli jaǵdaılarmen 120-ǵa jýyq sýdıa qyzmetinen bosatyldy. Qazirgi tańda sýdıalyq qyzmet salasynda 300 oryn bos tur. Bul týraly QR Joǵary sot keńesiniń múshesi Nurııa Sısenova aıtty.</p>

— Jyl basynan beri zeınet jasyna jetkendikten sot júıesi salasynan ketkender bar. Zeınet jasyna jetpeı, qurmetpen zeınetkerlikke shyqqandar bar. Bul osy salada úzdiksiz 20 jyl qyzmet atqarǵan adamdarǵa beriletin demalys. Odan bólek tártiptik jazaǵa tartylyp, 6 sýdıa qyzmetinen bosatyldy. Onyń úsheýi sýdıalyq etıka kodeksin buzǵan, úsheýi isti qaraý barysyndy zańdylyqty óreskel buzǵan, - dedi ol OKQ alańynda. 

Onyń aıtýynsha, densaýlyq jaǵdaıyna baılanysty qyzmetin aýystyrǵandar da bar. Odan bólek bul salaǵa kelip, 3-5 jyldyń ishinde óz erkimen qyzmetinen ketetinder de kezdesedi. 

— Búgingi tańda el boıynsha 2700 sýdıanyń shtaty bar. Qazirgi sátte onyń 300 vakansııasy bos tur. Osy jyly túrli sebeptermen shamamen 120-daı sýdıa qyzmetten ketti, - dedi QR Joǵary sot keńesiniń múshesi. 

Aıta keteıik, buǵan deıin Memleket basshysy sýdıalardy irikteýdiń obektıvtiligin qamtamasyz etý úshin Joǵary sot keńesiniń quramyn qaıta qaraý kerektigin aıtqan bolatyn.