Elimizde sý sharýashylyǵy jáne ırrıgatsııa ýnıversıteti qurylady

<p>ASTANA. KAZINFORM &ndash; Úkimet elimizdiń sý sharýashylyǵy salasyna kadr daıarlaý sharalaryn qolǵa alyp jatyr. Taraz qalasynda jańadan qurylǵan sý sharýashylyǵy jáne ırrıgatsııa ýnıversıteti jumysyn bastaıdy. Tıisti qaýlyǵa QR Premer-Mınıstri Oljas Bektenov <a href="https://primeminister.kz/news/elimizde-su-sharuashylygy-zhane-irrigatsiya-universiteti-kurylmak-28782" target="_blank" rel="noopener">qol qoıdy.</a></p>

Bıylǵy sáýir aıynda QR Prezıdenti janyndaǵy Ǵylym jáne tehnologııalar jónindegi ulttyq keńeste Memleket basshysy Q. Toqaev Taraz gıdromelıoratıvtik-qurylys ınstıtýtyn tıisti materıaldyq-tehnıkalyq qamtamasyz etý arqyly qalpyna keltirý sharalaryn qabyldaýdy tapsyrǵan bolatyn. Atalǵan mindetti iske asyrý sheńberinde Úkimet «M.H. Dýlatı atyndaǵy Taraz óńirlik ýnıversıteti» kommertsııalyq emes aktsıonerlik qoǵamyn qaıta qurý jáne onyń negizinde eki JOO — «M.H. Dýlatı atyndaǵy Taraz ýnıversıteti» kommertsııalyq emes aktsıonerlik qoǵamyn («TarÝ» KeAQ) jáne «Qazaq ulttyq sý sharýashylyǵy jáne ırrıgatsııa ýnıversıteti» kommertsııalyq emes aktsıonerlik qoǵamyn («QazUSShIÝ» KeAQ) qurý týraly sheshim qabyldady.

Oqý oryndary olardyń jarǵylyq kapıtaldaryna memlekettiń júz paıyz qatysýy arqyly quryldy. Osylaısha, arnaıy oqý orny sý sharýashylyǵy men ırrıgatsııa júıesi úshin joǵary bilikti kadrlardy turaqty túrde daıarlaıtyn bolady.

QazUSShIÝ-da «Sý sharýashylyǵy jáne melıoratsııa», «Geodezııa jáne kartografııa», «Sý sharýashylyǵyndaǵy gıdrotehnıkalyq qurylys», «Sýmen jabdyqtaýdyń ınjenerlik júıeleri», «Sý sharýashylyǵyndaǵy ınnovatsııalyq tehnologııalar» atty jańa bilim berý baǵdarlamalary engiziledi.  

2024 jylǵy 1 qyrkúıekten bastap jańa JOO stýdentter qabyldaı alady dep josparlanyp otyr.

QazUSShIÝ-ǵa 2024-2025 jyldarǵa 245 orynǵa arnalǵan memlekettik bilim berý tapsyrysynyń nysanaly kvotasy (bakalavrıatqa – 210, magıstratýraǵa – 20, doktorantýraǵa – 15) bólindi. Bilim berý tsıklindegi jalpy kontıngent sany 4 000 bilim alýshyny quraıdy.