Elimizde sý basqan joldardy qalaı aınalyp ótýge bolady

<p>ASTANA. KAZINFORM &ndash; Qazir 2 oblysta uzyndyǵy 4300 metr joldy sý basty jáne 4 oblysta jol qozǵalysyna shekteý qoıyldy. Tolyǵyraq &laquo;QazAvtoJol&raquo; ulttyq kompanııasynyń baspasóz hatshysy Sáken Dildahmet aıtyp berdi.</p>

«Búgin saǵat 14:00 jaǵdaı boıynsha halyqaralyq jáne respýblıkalyq mańyzy bar avtomobıl joldarynda aýa raıynyń jylynýy men qardyń tez erýi saldarynan 2 oblystaǵy (Qostanaı, SQO) 4 jol ýchaskesinde jalpy uzyndyǵy 4300 metr joldy sý basty. Sonymen qatar Aqtóbe, Atyraý, Qostanaı jáne SQO-da respýblıkalyq mańyzy bar 8 avtomobıl jolynda (uzyndyǵy 463 km) kóliktiń barlyq túriniń qozǵalysyna shekteý qoıyldy», - dedi Sáken Dildahmet OKQ-de ótken brıfıngige ZOOM platformasy arqyly qatysa otyryp.

El aýmaǵyndaǵy kólik qozǵalysyna shekteý qoıylǵan jol ýchaskeleri:

Aqtóbe oblysy

- «Qandyaǵash - Embi - Shalqar - Yrǵyz» tas jolynyń 3-92 shaqyrymy.

(Jabyq ýchaskeni «Qandyaǵash-Temir-Keńqııaq-Jaǵabulaq-Jem» aýdandyq tas jolynyń 235 shaqyrymy arqyly aınalyp ótý usynylyp otyr).

Atyraý oblysy

- «Muqyr - Qulsary» tas jolynyń 0-136 shaqyrymy. (Jabyq ýchaskeni «Aqtóbe-Atyraý-RF shekarasy» tas jolynyń 377-512 shaqyry jáne «Dossor-Qulsary-Beıneý-Saıtótes-Shetpe-Jetibaı- Aqtaý» tas jolynyń 3-120 shaqyrymy arqyly aınalyp ótý usynyldy).

Qostanaı oblysy

- «Marınovka aýylyna kireberis» tas jolynyń 0-9 shaqyrymy;

- «Ekaterınbýrg-Almaty» tas jolynyń 555-729 shaqyrymy.

(Jabyq ýchaskelerdi «Denısovka-Jitiqara» tas jolynyń 137 shaqyrymy arqyly aınalyp ótý usynylady).

Soltústik Qazaqstan oblysy

- «Jezqazǵan-Petropavl» tas jolynyń 869-875 shaqyrymy;

- «Chelıabınsk-Novosıbırsk» tas jolynyń 525-530 shaqyrymy;

- «Petropavl qalasyn aınalyp ótý joly» tas jolynyń 3-8 shaqyrymy;

- «Ekaterınbýrg - Almaty» tas jolynyń 729-768 shaqyrymy.

Jabyq jol ýchaskelerin Tımırıazev, Shal aqyn, Ǵ.Músirepov aýdandarynyń turǵyndary oblys ortalyǵyna deıin jetý úshin «Voloshınka-Sergeevka-Tımırıazevo» respýblıkalyq mańyzy bar tas jol arqyly júrip, ary qaraı R-61 «Voloshınka-Korneevka-Roşınskoe» tas jolyna túsip, ol jaqtan KT-29 «Pokrovka-Korneevka-Gornoe» tas jolymen A-16 «Jezqazǵan-Petropavl» joly arqyly qalaǵa jete alady.

«Jezqazǵan-Petropavl» tas jolynyń 954-952 shaqyrymy ýchaskesinde úlken júk kólikter úshin qozǵalys polıtsııa qyzmetkerleriniń kómegimen qamtamasyz etilýde.

Mamlıýtka, Jambyl aýdandarynda turǵyndardyń R-57 «Novokamenka-Peterfeld» respýblıkalyq mańyzy bar tas joly arqyly qalaǵa jetý múmkindigi bar.