Elimizde sot sanktsııa bermeıinshe eshbir azamat tekserilmeıdi — sýdıa Nurlan Nuralın

<p>ASTANA. KAZINFORM &mdash; Qazaqstanda 16 jyl buryn tergeý sýdıasy ınstıtýtynyń negizi qalanǵan. Alǵashqy jyly tergeý sýdıalarynyń bir ǵana ókilettigi bolsa, qazirgi tańda onyń sany 18-ge jetken. Bul týraly Soltústik Qazaqstan oblystyq sotynyń sýdıasy Nurlan Nuralın aıtty.</p>

«2008 jyly Qazaqstanda asa mańyzdy quqyqtyq mehanızm iske qosyldy. Biz tutqynǵa alýdy júzege asyrý úshin sottyń sanktsııa berý talabyn engizý jaıly aıtyp otyrmyz. Oǵan deıin ondaı sanktsııany prokýror beretin edi. Sondyqtan da bul quqyqtyq norma engizilerde kóp daý boldy. Osylaısha 16 jyl buryn tergeý sýdıasy ınstıtýty ómirge keldi», — deıdi Nurlan Nuralın Ortalyq Azııa úshin qylmystyq sot tóreligi boıynsha sarapshylardyń 9-shy forýmynda.

Sondaı-aq, sýdıa Qazaqstan Respýblıkasynyń Qylmystyq-protsestik kodeksiniń 54-shi babyna saı búgingi tańda tergeý sýdıasynyń 18 túrli ókilettigi baryn atap ótti. 

«Sotqa deıingi is júrgizý barysynda tergeý sýdıasyna kúzetpen ustaýdy sanktsııalaý, úıqamaqty sanktsııalaý, laýazymynan ýaqytsha shettetýdi sanktsııalaý, jaqyndaýǵa tyıym salýdy sanktsııalaý, ekstradıtsııalyq qamaqty sanktsııalaý, jasyryn tergeý áreketterin júrgizýdi, jasyryn tergeý áreketterin júrgizý merzimderin uzartýdy sanktsııalaý, kúzetpen ustaý, úıqamaq, ekstradıtsııalyq qamaq merzimderin uzartý, kepil qoldanýdy sanktsııalaý, múlikke tyıym salýdy sanktsııalaý, qarap-tekserýdi sanktsııalaý, tintýdi sanktsııalaý, jeke tintýdi sanktsııalaý, májbúrlep kýálandyrýdy sanktsııalaý jáne t. b. ókilettikter berilgen. Bulardyń bári azamattyń konstıtýtsııalyq quqyǵyn qorǵaýǵa baǵyttalǵan. ıAǵnı, búgingi tańda Qazaqstanda qylmystyq-qýdalaý organynyń ókili el azamatyna tıisti sanktsııasyz tekserý júrgize almaıdy», — dedi sýdıa.

Sondaı-aq, ol tergeý sýdıasynyń aldyn ala tergeý barysyna qatysýy adam quqyǵynyń saqtalýyna kepil bolatynyn atap ótti.

Aıta keteıik, 2025 jyldan bastap aýyr jáne asa aýyr qylmys jasaǵany úshin sottalǵandardy merziminen buryn bosatý týraly aryzdy alqabıler soty qaraıtyn bolady.