Elimizde sol aıaǵy oń aıaǵynan 7 sm qysqa naýqasqa ota jasaldy

<p>Almatydaǵy № 4 qalalyq aýrýhananyń travmatolog-ortopedteri naýqasqa týa bitken ortan jiliktiń shyǵýy men jambas býynynyń tórtinshi dárejeli dısplazııasyn túzetý úshin biregeı ári kúrdeli operatsııa jasady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Taraz qalasyndaǵy klınıkalarynyń birinde meıirger bolyp isteıtin 27 jastaǵy jigittiń týa bitti kemistigi bar. Sol aıaǵy oń aıaǵynan 7 sm-ge qysqa. Bul búkil tirek-qımyl júıesine aýyr júkteme.

Almatydaǵy № 4 qalalyq aýrýhanasyna medıtsınalyq tekserýden ótýge kelgen naýqasqa dárigerler operatsııa jasatýǵa keńes berdi.

«Naýqas bizge konsýltatsııaǵa kelgende, oǵan operatsııa jasaýdy usyndyq. Sol aıaqqa ota jasadyq, endi birer aıdan keıin ekinshi jambas býynyna ota jasaımyz. Sodan keıin naýqas júrip, aqsaqtyqtan qutylady», - deıdi №4 qalalyq klınıkalyq aýrýhananyń endoprotezdeý bóliminiń meńgerýshisi Manarbek Áýbákirov.

Operatsııaǵa Reseıden kelgen G.A.Ilızarov atyndaǵy Ulttyq medıtsınalyq travmatologııa jáne ortopedııa ortalyǵynyń dárigeri Andreı Kamınskıı qatysty. Qazaqstandyq jáne reseılik dárigerlerdiń birlesken operatsııasy 4 saǵatqa sozyldy.

«Almatylyq hırýrgtarymen birge bir operatsııaǵa qatystym. Operatsııa shynymen de óte kúrdeli boldy jáne mundaı operatsııany tańdaý úshin dárigerlerdiń sáıkes kásibıligi, bilimi men tájirıbesi qajet. Endoprotez minsiz ornatyldy», - dep atap ótti Andreı Kamınskıı.