Shegirtkemen kúreske qosymsha 4 mlrd teńgege jýyq qarjy jumsalady

<p>ASTANA. KAZINFORM - Úkimet bıyl shegirtkeniń jappaı taralyp ketýiniń aldyn alý úshin tıisti sharalar qabyldap jatyr. Osyǵan oraı qosymsha 4 mlrd teńgege jýyq qarajat bólindi. Premer-Mınıstr Álıhan Smaıylov tıisti qaýlyǵa qol qoıdy. Bul týraly <a href="https://primeminister.kz/" target="_blank" rel="noopener">primeminister.kz</a> jazdy.&nbsp;</p>

Elimizde sońǵy jyldary úıirli shegirtkelerdiń taralý alańynyń ulǵaıǵany baıqalady:

2020 jyly – 514 myń ga;

2021 jyly – 626 myń ga;

2022 jyly – 975 myń ga;

2023 jyly taralý alańy 1 585 myń ga bolady dep boljanǵanymen, is júzinde 1 616 myń ga óńdeldi.

2023-2024 jyldarǵa shegirtkeniń jappaı taralýynyń 11 jyldyq tsıkliniń údemeli kezi sáıkes keledi.

Bıyl respýblıkalyq bıýdjetten 1 270,6 myń ga alańdy óńdeýge 4,2 mlrd teńge bólingen edi. Alaıda, 2024 jyly naqtylanǵan jalpy boljam boıynsha úıirli shegirtkeniń taralý alańy ulǵaıyp, 2,5 mln ga qurady. Bul ótken jylmen salystyrǵanda, shamamen 1 mln gektarǵa artyq.

Bólingen qosymsha qarajat 1,3 mln ga alańda zııankes úıirli shegirtkege qarsy hımııalyq óńdeý jumystaryn júrgizýge baǵyttalady.