Elimizde shamamen 5 myń pedagog jetispeıdi

<p>Qazaqstanda mektep muǵalimderi áli de jetispeıdi. Bul týraly Premer-Mınıstr Álıhan Smaıylov málim etti, dep habarlaıdy Kazinform.</p>

«Bilim berý protsesiniń jetistigi eń aldymen, pedagogtyń kásiptik sheberligine tikeleı baılanysty. Sondyqtan, pedagog-kadrlardy daıarlaý tásilderin qazirgi zamanǵa saı beıimdep otyrý – ýaqyt talaby. Qazir bizdiń kolledjderimizde muǵalimder tapshy. Shamamen 5 myń pedagog jetispeıdi. Jyl saıyn 50 myńǵa jýyq jas maman ýnıversıtet bitirip shyǵady. Alaıda, olardyń kópshiligi óz kásibi boıynsha jumys istemeıdi» - dedi Álıhan Smaıylov Úkimet otyrysynda.

Úkimet basshysynyń aıtýynsha, pedagog bedeli men mártebesin arttyrý úshin zańnamalyq turǵydan da kóp jumys atqaryldy.

Muǵalimderdiń jalaqysy kóterildi olar qosymsha júktemelerden, artyq esep berýden bosatyldy.

«Aǵartýshylyq salaǵa daryndy jastardy tartý boıynsha sharalar kesheni qabyldandy. Pedagogıkalyq joǵary oqý oryndaryna túsýge qoıylatyn talaptar kúsheıtildi. Pedagogıkalyq joǵary oqý oryndaryna túsý baly qanshalyqty joǵary bolsa, eń myqty talapkerlerdi irikteý múmkindigi de sonshalyqty arta túsedi. Eger 5 jyl buryn osy mamandyqtarǵa 50 ball jınaǵan talapkerler ótse, qazir ortasha ball – 111» - deıdi ol.