Elimizde shamadan tys kredıt alýǵa shekteý qoıylýy múmkin

<p>Elimizde shamadan tys kredıt máselesi boıynsha zańnama pysyqtalyp Parlament qaraýynda jiberiledi. Bul týraly Úkimet basshysy Álıhan Smaıyloa málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

«Shamadan tys kredıt alý problemalaryn túbegeıli sheshý úshin bankterde jáne kredıt alýshylardyń sanattaryna qaraı shekteýler engizý qajet. Mıkroqarjylyq uıymdardyń, ásirese «jalaqyǵa deıin» qaryz beretin uıymdardyń shekti kredıtteý mólsherlemelerin, somalary men merzimderin qaıta qaraý qajet. Usynylyp otyrǵan barlyq zańnamalyq túzetýler pysyqtalyp, jyl sońyna deıin Parlamentke engizilýi tıis», - dedi Álıhan Smaıylov Úkimet otyrysynda.

Premer-Mınıstrdiń aıtýynsha, atalǵan sharalar azamattardyń shamadan tys qaryz alýyn shekteýge jáne tutyný kredıtterin berýde táýekelderdi azaıtýǵa yqpal etedi.

«Halyqtyń qarjylyq saýattylyǵyn arttyrý úshin Oqý-aǵartý mınıstrligi oqý baǵdarlamalary sheńberinde qarjylyq saýattylyq kýrstaryn engizý máselesin pysyqtaýy kerek. Ǵylym mınıstrligi bul máselelerdi joǵary oqý oryndarymen birge qaraýy tıis. Kámeletke tolǵan jastar ózderiniń qarjylyq múmkindikterin qalaı durys esepteý kerektigin, kredıtti qalaı jáne qandaı kredıt alý kerektigin naqty túsinýi kerek. Mundaı tájirıbe kóptegen elderde bar», - deıdi ol.